Ønskjer frisk villrein tilbake i Nordfjella
– Det har heile tida vore ein føresetnad at villrein skulle tilbake i Nordfjella sone 1. Dette er viktig for å ta vare på villreinen som nasjonal ansvarsart, og ikkje minst for identitet, kultur og jakttradisjon lokalt, seier Ellen Hambro, direktør i Miljødirektoratet.
Villreinstammen i Nordfjella sone 1 vart vinteren 2017/2018 teke ut med mål om å utrydde skrantesjuke.
Mattilsynet og Miljødirektoratet har no revidert planen for korleis ein ny villreinbestand skal kunne etablerast i området.
Tilrådinga er sett i lys av ny kunnskap og funna av skrantesjuke på Hardangervidda og etter innspel frå arbeidsgruppa som har levert sine råd.
Tilrådinga vart levert til Klima- og miljødepartementet og Landbruks- og matdepartementet 2. desember.
Rein i nærområda må friskmeldast
Direktorata tilrår at Nordfjella sone 1 blir reetablert når nabobestandane er friskmelde og brakkleggingsperioden er over. Det vil seie at tidspunktet for oppstart av reetablering avheng av når villrein i Nordfjella sone 2 og Raudafjell og tamrein i Filefjell blir friskmelde, noko som tidlegast vil skje i perioden 2024-2026. I tillegg vil det ta tid å byggje opp kjeldebestanden slik at eit tilstrekkeleg tal dyr kan overførast til Nordfjella sone 1.
Det er viktig at det ikkje blir gjeninnført smitte i området. Begge direktorata meiner at fleire alternative kjeldebestandar må vurderast.
– Vi er tydelege på at dyra som skal setjast inn i Nordfjella sone 1 må komme frå ein friskmeld bestand, og at fleire alternativ må vurderast. Me er opptekne av å sikre god dyrevelferd i reetableringsprosessen og redusere belastninga på dyra som igjen skal danne villreinstammen i Nordfjella, seier Ingunn Midttun Godal, administrerande direktør i Mattilsynet.
Miljødirektoratet tilrår å bruke villrein frå Nordfjella sone 2 som førsteval i reetableringa, og at dei alternative kjeldebestandane må vere regna som ville bestandar.
Ein stor del av både simler og bukkar bør merkast med GPS-sendarar for å ha kontroll på at dyra held seg i sone 1 etter innsetjing. Dyra som blir merka vil testast for skrantesjuke og om dei har gunstige gen for å vere motstandsdyktige mot skrantesjukeprion. Mattilsynet meiner at flest mogleg av alle rein som blir sett inn i Nordfjella sone 1 skal ha slike gunstige genar.
Sjå heile tilrådinga under Dokumenter.
Tilrår eigen prosjektleiar og arbeidsgruppe
Direktorata tilrår at det vidare arbeidet med reetablering blir leidd av ein ekstern prosjektleiar, og at det blir oppretta ei arbeidsgruppe i tilknyting til prosessen vidare. Lokal forvaltning vil vere ein viktig del av arbeidsgruppa.
Gruppa må få nødvendige økonomiske og faglege ressursar, og ha eit tydeleg mandat som ho jobbar innanfor. Planane i gruppa skal godkjennast av direktorata.
Innspel frå forskarar og lokal forvaltning
Innspela frå arbeidsgruppa for reetablering er tillagde stor vekt i tilrådinga til direktorata. Les tilrådinga frå arbeidsgruppa her:
Har fått tilråding om reetablering i Nordfjella - Hjorteviltportalen
Nøkkelord
Kontakter
PressevaktPressevakta svarer på førespurnader frå pressa mandag til fredag
Bemanna mellom klokka 8 og 15.45 frå 15. september til 14. mai, mellom klokka 8 og 15 frå 15. mai til 14. september.
Bilder
Dokumenter
Om Miljødirektoratet
Miljødirektoratet jobber for et rent og rikt miljø
Våre hovedoppgaver er å redusere utslipp av klimagasser, forvalte norsk natur og hindre forurensning. Vi er et statlig forvaltningsorgan underlagt Klima- og miljødepartementet. Vi har i underkant av 700 ansatte ved våre to kontorer i Trondheim og Oslo, og ved Statens naturoppsyn (SNO) sine lokalkontor.
Følg pressemeldinger fra Miljødirektoratet
Registrer deg med din e-postadresse under for å få de nyeste sakene fra Miljødirektoratet på e-post fortløpende. Du kan melde deg av når som helst.
Siste pressemeldinger fra Miljødirektoratet
Snøskuterførere tatt på fersk gjerning i villreinområde18.4.2024 19:26:14 CEST | Pressemelding
Statens naturoppsyn (SNO) ser alvorlig på ulovlig motorferdsel i sårbare områder. Etter kontroll natt til torsdag anmeldes fem personer.
Klimatiltaka som kan kutte norske utslepp10.4.2024 10:00:00 CEST | Pressemelding
Miljødirektoratet har kartlagt moglege klimatiltak i alle sektorar. Rapporten viser at utsleppa kan bli over 60 prosent lågare i 2035.
Klimatiltakene som kan kutte norske utslipp10.4.2024 10:00:00 CEST | Pressemelding
Miljødirektoratet har kartlagt mulige klimatiltak i alle sektorer. Rapporten viser at utslippene kan bli over 60 prosent lavere i 2035.
Har flyttet genetisk viktig ulv5.4.2024 20:28:48 CEST | Pressemelding
En 45 kg tung hannulv ble bedøvet fra helikopter og flyttet til Våler kommune av Statens naturoppsyn i dag etter at Miljødirektoratet besluttet å forsøke flytting.
Fritidsbåteigarar må med i kampen mot hamnespy5.4.2024 02:34:54 CEST | Pressemelding
Miljødirektoratet ber båteigarane om hjelp mot spreiing av den skadelege framandarten hamnespy, når ein million norske fritidsbåtar no skal ut på sjøen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom