Nye Espenes rasteplass, Hardanger – ein installasjon verdt ventetida
Ein pandemi, frakt av stål til havs heilt frå Kina og ruskever på Vestlandet. Utfordringane har stått i kø for det nye designbygget på Espenes, langs Nasjonal turistveg Hardanger. Men til sommaren skal bygget stå klart, trass i dei mange utfordringane.

Den gamle rasteplassen på Espenes i Ullensvang kommune blei borte etter rassikringa av riksveg 13. På den tomme flata skulle Statens vegvesen opna eit nytt moderne turistveganlegg med flott utsikt nordover Sørfjorden hausten 2021. Servicebygget med ein 64 meter lang og 4 meter brei takkonstruksjon i stål, med 12 takmodular i ulik høgde, halden oppe av massive stålsøyler, fundamentert på ei botnplate i betong, skulle markera Espeneset som ny tilvekst til attraksjonen Nasjonale turistvegar.
Slik vart det ikkje. Ein pandemi kom imellom. Samfunn blei stengt ned. Heimekontor og byggemøter på Teams. Først i oktober kunne containerskipet «Yellow Sea» kaste loss frå Xiang hamn i Kina med stål til Bergen for vidare frakt til Espenes. Etter nær tre månader til havs, med fleire stopp undervegs, kunne stålet i containerbuken til slutt klappe til kai i Bergen den 16. januar.
Nummererte stålplater blir no plukka fram bit for bit på Espenes og sortert som eit stort puslespel. Store blanke plater blir sveisa saman til eit ni meter høgt servicebygg med toalett og teknisk rom. Samtidig varslar meteorologane eit nytt ruskever på Vestlandet med regn og vind i over ei uke. Dette betyr at sveisinga av bygget kan komme til å bli utfordrande og tidkrevjande, sjølv om arbeidet skjer under eit beskyttande tak.
Kommande sending frå Kina med stålet til takpaviljongen blei sendt frå Xiang 30. desember 2021. Om seglasen følgjer containerskipet «Yellow Seas» sin logg, reknar byggeleiinga med at stålet kjem til Bergen i mars. Om ikkje noko nytt uventa skjer, skal rasteplassen med servicebygg, takpaviljong og god parkeringsplass for både bussar og bilar kunna opnast sommaren 2022.
Arkitekt: Code arkitektur
Kontakter
Lage Bakken, byggeleiar Statens vegvesen, Nasjonale turistvegar.
Epost: lage.bakken@vegvesen.no. Tel: 918 19 698
Silje Myhre Amundsen, strekningsansvarleg Nasjonal turistveg Hardanger, Statens vegvesen
Epost: silje.amundsen@vegvesen.no Tel: 975 22 979
Bilder



Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din epostadresse under for å få de nyeste sakene fra Statens vegvesen på epost fortløpende. Du kan melde deg av når som helst.
Siste pressemeldinger fra Statens vegvesen
TURISTVEGANLEGGET GJENDE FULLFØRT i 202318.8.2022 14:32:36 CEST | Pressemelding
Statens vegvesen reiser no eit nytt arkitektteikna servicebygg på Gjendeosen langs Nasjonal turistveg Valdresflye. Bygget kompletterer storsatsinga på Gjende, som ein av dei store norske turistattraksjonane som får eit solid løft gjennom turistvegprogrammet til Statens vegvesen. Målet med satsinga er å styrke norsk reiseliv sin konkurransekraft lokalt, regionalt og nasjonalt.
Anleggsarbeid på E6 Kroppanbrua i Trondheim18.8.2022 14:29:50 CEST | Pressemelding
Nå starter et stort vedlikeholdsarbeid på Kroppanbrua på E6 over Nidelva i Trondheim. Det blir nedsatt fart og innsnevring av veibanen, og arbeidet pågår til midten av februar 2023.
E39-sambandet Molde - Vestnes får endrede nattavganger i august og september18.8.2022 14:15:55 CEST | Pressemelding
Innkjøringen til elektrisk drift fortsetter. Her er konsekvensene det får for rutetilbudet 22. august - 6. september.
Lær bedre bruvedlikehold, basert på ny forskning18.8.2022 14:04:02 CEST | Pressemelding
Statens vegvesen presenterer ny bruforskning på en brukonferanse 21. september. Hvis du vil lære bedre bruvedlikehold, må du være rask å melde deg på.
Vil sette opp erstatningsbruer17.8.2022 18:13:15 CEST | Pressemelding
Statens vegvesen arbeider med å sette inn midlertidige bruer som erstatning for noen av de 14 stengte fagverksbruene. Dette er de stedene der stengningen har størst konsekvenser for trafikantene.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom