NVE tilrår nye konsesjonsvilkår for Savalen, Fundin og Rendalsoverføringa i Glommavassdraget
Kommunane Rendalen, Alvdal, Stor-Elvdal, Åmot, Folldal og Tynset har stilt krav om miljøforbetrande tiltak i vatn og elvar som blir påverka av fleire reguleringar i Glommavassdraget. Det gjeld reguleringane av Savalen, Fundin og Rendalsoverføringa, som er overføringa av vatn frå Glomma til Rendalen. På grunnlag av krava har NVE gjennomført ei revisjon av konsesjonsvilkåra. Det er Glommens og Laagens Brukseierforening (GLB) som er konsesjonær for reguleringane og overføringa.
Moderne konsesjonsvilkår
Hovudformålet med ein vilkårsrevisjon er å betre miljø- og naturforholda gjennom tiltak som avbøter ulemper og negative verknader ved vasskraftutbygginga. NVE tilrår derfor meir moderne konsesjonsvilkår for reguleringa av vassdraga.
Dei nye vilkåra vil gi styresmaktene utvida moglegheiter til å pålegge GLB å gjennomføre undersøkingar og ulike avbøtande tiltak. Vilkåra vil og dekke ein del av innspela og krava som har komme i høyringsprosessen. Det gjeld mellom anna vitskapelege undersøkingar, ulike tiltak for fisk og erosjonstiltak.
Manøvrering, minstevassføring og vasstand
Når det gjeld krav til minstevassføring og vasstand anbefaler NVE i stor grad at dagens manøvreringsreglement oppretthaldast.
NVE meiner det er viktig å oppretthalde god reguleringsevne og fleksibilitet i manøvreringa av Savalen og Fundin av omsyn til kraftproduksjon og flaumhandtering. Av den grunn tilrår NVE å ikkje endre dagens restriksjonar på manøvreringa i Savalen, eller å innføre nokre nye i Fundin.
Reglane for slipp av vatn forbi Høyegga dam i Glomma vart endra i 2015, og dette har gitt meir vatn i elva nedanfor dammen i tørre periodar på sommaren. Saman med utbetring av fisketrappa i 2016 har endringa ført til auka vandring av fisk forbi dammen. NVE meiner moglege fordelar for fisk, botndyr og landskap av ytterlegare auka slipp av vatn ikkje veg opp for tapt kraftproduksjon i Rendalen og Løpet kraftverk. Det er derfor ikkje tilrådd å endre regimet for minstevassføring forbi Høyegga dam i Glomma.
NVE tilrår og å vidareføre dagens krav til slipp av vatn forbi Fundin dam til Einunna. Miljøtilstanden i Einunna er allereie god, og økt minstevassføring vil forsinke oppfyllinga av magasinet.
Når det gjeld Lomnessjøen har NVE ikkje funne grunnlag for å pålegge GLB å gjennomføre fleire utgreiingar eller tiltak for å senke vasstanden.
Olje- og energidepartementet vil stå for den vidare oppfølginga av saka, og endeleg vedtak blir tatt av Kongen i statsråd (kongeleg resolusjon). Les meir om innstillinga her.
Nøkkelord
Kontakter
Carsten Jensen, seksjonssjef
csj@nve.no
tlf: 90 85 02 06
George Nicholas Nelson, sakshandsamar
genn@nve.no
tlf: 91 71 39 00
Bilder
Om Norges vassdrags- og energidirektorat (NVE)
Noregs vassdrags- og energidirektorat (NVE) har ansvar for å forvalte Noregs vatn- og energiressursar. NVE varetek også dei statlege forvaltningsoppgåvene innan skredførebygging. NVE skal sikre ei heilskapleg og miljøvennleg forvaltning av vassdraga, fremje ei effektiv kraftomsetning, kostnadseffektive energisystem og hjelpe til ein effektiv energibruk.
Følg pressemeldinger fra Norges vassdrags- og energidirektorat (NVE)
Registrer deg med din e-postadresse under for å få de nyeste sakene fra Norges vassdrags- og energidirektorat (NVE) på e-post fortløpende. Du kan melde deg av når som helst.
Siste pressemeldinger fra Norges vassdrags- og energidirektorat (NVE)
Nå blir det enklere for flere å følge med på utviklingen av strømnettet19.4.2024 14:15:04 CEST | Pressemelding
Nå kan kommuner, næringsliv og andre interesserte følge med på utviklingen av strømnettet. Nylig ble det obligatorisk for nettselskapene å legge ut alle fremtidige og pågående utbyggingsplaner på PlanNett.
Rolig start på snøsmeltingen i Sør-Norge19.4.2024 13:35:32 CEST | Pressemelding
Snøsmeltingen har startet så smått og det er mer vann enn normalt i vassdragene i Sør-Norge. NVE oppfordrer alle til å forebygge flomskader, ved abonnere på flomvarsler og å rense sluk, grøfter og rør frie for is, kvist og løv.
NVE gir konsesjon til nye Krossberg transformatorstasjon i Stavanger9.4.2024 16:07:48 CEST | Pressemelding
Statnett SF og Lnett AS får konsesjon til å bygge og drive nye Krossberg transformatorstasjon i Stavanger kommune. Samtidig har de fått lov til å rive deler av Stølaheia transformatorstasjon.
NVE gir Statnett tillatelse til å bygge ny koblingsstasjon i Vestby22.3.2024 16:07:33 CET | Pressemelding
Statnett har fått konsesjon til å bygge nye Langerud koblingsstasjon i Vestby kommune. NVE har samtidig gitt tillatelse til å forsterke kaia ved Nesset for å kunne ta imot transport som kommer sjøveien.
Betydelige snøskredfare på Vestlandet21.3.2024 15:20:05 CET | Pressemelding
Snøskredfaren varierer i Nord- og Sør-Norge. Det er betydelig skredfare på Vestlandet på fredag og det vil være fare for naturlig utløste skred. I Nord-Norge går det mot lav skredfare i starten av påsken. Vi anbefaler alle å lese varslet på varsom.no og gjøre egne vurderinger av den lokale snøskredfaren.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom