Næringsministeren vil skrote brukthandellova

– Vi skal inn i sirkulæralderen, ikkje tilbake til steinalderen. Derfor vil eg skrote brukthandellova, og presentere eit oppdatert regelverk i løpet av neste år, seier næringsminister Jan Christian Vestre.
Statsråden er kjend med at brukthandellova skaper utfordringar for mange som driv med brukthandel. Lova krev mellom anna at dei søkjer løyve hos politiet, fører protokoll over klede og varar og oppbevarer dei i 14 dagar før dei blir lagt ut for sal.
Endra vanar for handel
Formålet med lova frå 1999 er å førebyggje omsetning av stolne eller ulovleg mottekne gjenstandar og å lette arbeidet til politiet med å oppspore slike gjenstandar.
Næringsministeren meiner lova er gammaldags og ikkje høyrer heime i ei sirkulær tid.
– Måten vi handlar på har endra seg dei siste åra, med nye digitale salskanalar og stor interesse for gjenbruk. Eg vil skape eit regelverk som er tidsriktig, samtidig som det forhindrar omsetning av stolne varer og anna uønskt verksemd. Dette hastar, og derfor har regjeringa allereie sett av to millionar i statsbudsjett for å setje i gang arbeidet. Bruk- og kastsamfunnet er ikkje berekraftig, og vi vil gå etter alt som hindrar overgangen til ein sirkulær økonomi, seier han.
Frivilligheita er unntatt
I ei ny tolkingsuttale konkluderer Nærings- og fiskeridepartementet med at aktørar som driv brukthandel som frivillig verksemd ikkje blir omfatta av brukthandellova. Uttalen er basert på ei vurdering av handel av varar «i næring» etter brukthandellova si § 1.
– Dette er gode nyheiter for frivilligheita. No er det tydlegare kven som fell innanfor og utanfor gjeldande regelverk. Dei som fell utanfor treng ikkje løyve frå politiet. Dei har heller ingen plikter når det gjeld protokoll eller oppbevaring. No manglar det berre å fornye heile regelverket, og det kjem snart, seier Vestre.
Departementet vurderer at risikoen for heleri er låg ved verksemder som ikkje driv fortenestebasert. I enkelte tilfelle vil ein framleis måtte vurdere konkret om verksemda er «i næring», til dømes om omsetninga er av eit visst omfang, heiter det i uttalen.
Tek med bransjen
Etter nyttår vil næringsministeren invitere til innspelsmøte med både kommersielle og frivillige aktørar som driv brukthandel.
– Eg har full forståing for at bransjen ønskjer ei rask endring av regelverket. Eg er veldig utolmodig, men også oppteken av at vi får til ein god prosess. Målet er at regelverket for brukthandel aktivt fremmar sirkulærøkonomi, samtidig som formålet i lova om å forhindre heleri blir vareteken, seier Vestre.
I 2019 sende Nærings- og fiskeridepartementet forslag om å oppheve brukthandellova på høyring. Høyringsinstansane var delte. Fleire aktørar støtta forslaget, men mange var også imot som følgje av ei bekymring for at manglande moglegheiter for tilsyn og kontroll kan føre til auka økonomisk kriminalitet.
Bilder

Om Nærings- og fiskeridepartementet

Kongens Gate 8
0032 Oslo
Pressevakt: 902 51 303 (ikkje SMS)https://www.regjeringen.no/nfd
Departementet (NFD) utformar ein framtidsretta nærings- og sjømatpolitikk.
Følg pressemeldinger fra Nærings- og fiskeridepartementet
Registrer deg med din e-postadresse under for å få de nyeste sakene fra Nærings- og fiskeridepartementet på e-post fortløpende. Du kan melde deg av når som helst.
Siste pressemeldinger fra Nærings- og fiskeridepartementet
Næringsministeren til Ukraine Recovery Conference (URC) i Roma1.7.2025 11:38:08 CEST | Pressemelding
9.–11. juli er næringsminister Cecilie Myrseth i Roma for blant annet å representere Norge på gjenoppbyggingskonferansen Ukraine Recovery Conference.
Nytt regelverk på plass - åpner for søknader om fiskeoppdrett på land igjen1.7.2025 08:01:00 CEST | Pressemelding
Nærings- og fiskeridepartementet har i dag fastsatt endring av laksetildelingsforskriften og akvabiosikkerhetsforskriften. Endringene innebærer en presisering av vilkår for plassering av anlegg, slik at grensen mellom hva som anses å være på land og i sjø blir tydeligere. Det innføres krav om desinfeksjon av inntaksvann for anlegg på land for å begrense risiko for spredning av smittestoff via vann.
I dag får Konkurransetilsynet et nytt verktøy for å bekjempe alvorlige konkurranseproblemer1.7.2025 07:00:00 CEST | Pressemelding
Markedsetterforskning er et nytt verktøy for Konkurransetilsynet, som kan bidra til bedre konkurranse. God konkurranse er viktig for at forbrukerne skal få rimelige priser og godt utvalg. Markedsetterforskning vil gjelde for alle markeder, inkludert dagligvarebransjen. Reglene om markedsetterforskning trer i kraft 1. juli.
Nye grep for å sikre en bærekraftig turistfiskenæring1.7.2025 07:00:00 CEST | Pressemelding
Fiskeri- og havminister Marianne Sivertsen Næss innfører fra 1. august i år nye tiltak for å sikre en mer bærekraftig turistfiskenæring.
Nytt land slutter seg til kampen mot fiskerikriminalitet27.6.2025 14:06:17 CEST | Pressemelding
Peru har signert Københavnerklæringen, som er første steg mot å bli med i det norske Blue Justice-initiativet. Målet er å styrke det internasjonale samarbeidet mot fiskerikriminalitet. Med Peru på laget er det nå 61 land som støtter initiativet.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom