Medietilsynet har vurdert nye søkarar: Avisene Varden, Karmøynytt, Stord24, Nidaros og Subjekt er nye støttemottakarar
Produksjonstilskottet er den største av dei direkte mediestøtteordningane og skal bidra til eit mangfald av nyheits- og aktualitetsmedium over heile landet. Støtteordninga er plattformnøytral og likestiller derfor papir- og nettaviser.
Totalt skal 370 millionar kroner fordelast mellom lokalaviser, vekeaviser og nasjonale nisjeaviser (alternativ til dei leiande nasjonale dagsavisene) i 2021. Av dei 152 avisene som fekk støtte i fjor, fekk Klassekampen mest støtte, følgt av Bergensavisen, Vårt Land og Dagsavisen.
Avisene må oppfylle ei rekke krav for å få støtte
Nettavisene Nidaros, Subjekt, Vefsn No og avisa Varden søkte støtte for første gong i år, mens dei lokale nettavisene Nett.no, Karmøynytt, Stord24 og Bodø.nu søkte på nytt etter at dei fekk avslag på søknadene sine om støtte i fjor. Dei to publikasjonane Nett.no og Bodø.nu klaga på vedtaket i Medietilsynet i fjor, men får avslag igjen i år.
For å få produksjonstilskott må avisa oppfylle ei rekke krav. Publikasjonen må blant anna ha som hovudformål å formidle nyheiter, aktualitetsstoff og samfunnsdebatt til allmennheita, i tillegg til å ha eit breitt tilbod av nyheits, aktualitets- og debattstoff frå ulike samfunnsområde.
Nett.no, Bodø.nu og Vefsn.no får avslag
Den regionale nettavisa Nett.no, som dekker nærings- og samfunnsliv i Nordfjord og på Sunnmøre, får avslag for tredje gong. – Nett.no får avslag fordi avisa etter Medietilsynets vurdering ikkje oppfyller kravet i forskrifta om å innehalde eit breitt tilbod av nyheits-, aktualitets- og debattstoff frå ulike samfunnsområde, seier Velsand.
Også den lokale nettavisa Bodø.nu, som har Bodø kommune som nedslagsfeltet sitt, får avslag på nytt, etter først å ha fått avslag i fjor. – Fordi Bodø.nu har eit overskott på meir enn seks millionar kroner totalt dei siste åra, som er grensa på det ei avis kan ha i overskott for å få støtte, får avisa avslag også i år, seier Velsand.
Den lokale nettavisa Vefsn.no, som har basen sin i Mosjøen, får avslag på støtte fordi avisa ikkje oppfyller kravet om å ha eit opplag på minst 1000 eksemplar.
Oversikt over dei åtte nye avisene som har søkt om produksjonstilskott
Avis |
Type avis |
Får støtte |
Grunngiving |
Varden |
Lokal papir- og nettavis |
Ja |
Kvalifiserer til å få støtte som nummer to-avis |
Nidaros |
Lokal nettavis |
Ja |
Kvalifiserer til å få støtte som nummer to-avis |
Subjekt |
Nisjeavis innanfor kultur på nett |
Ja |
Kvalifiserer til å få støtte som nasjonalt nisjemedium |
Karmøynytt |
Lokal nettavis |
Ja |
Kvalifiserer til å få støtte som aleineavis |
Stord24 |
Lokal nettavis |
Ja |
Kvalifiserer til å få støtte som nummer to-avis |
Nett.no |
Regional nettavis innanfor næringsliv |
Nei |
Inneheld ikkje eit breitt nok tilbod av nyheits-, aktualitets- og debattstoff frå ulike samfunnsområde |
Bodø.nu |
Lokal nettavis |
Nei |
Har hatt for stort overskott totalt dei siste tre åra |
Vefsn.no |
Lokal nettavis |
Nei |
Har eit opplag på under 1000 eksemplar |
Fakta om produksjonstilskott for nyheits- og aktualitetsmedium
- Produksjonstilskottet er den største direkte mediestøtteordninga, og Medietilsynet forvaltar ordninga. I 2021 blir 369,6 millionar kroner fordelte i støtte. Støttebeløpet auka med 12 millionar kroner frå 2020, etter ei justering for pris- og lønnsvekst.
- Produksjonstilskottet skal bidra til eit mangfald av nyheits- og aktualitetsmedium over heile landet. Ordninga er plattformnøytral, som betyr at alle nyheits- og aktualitetsmedium på papir og nett, med unntak av kringkastarar, kan søke.
- Ordninga er særleg retta mot medium i marknader som er for små til å vere berekraftige, og medium som er alternativ til dei leiande media i større marknader. Produksjonstilskottet skal korrigere for marknadssvikt for mindre nyheitsmedium og nummer to-medium i slike marknader.
- Årets søknadsfrist var 25. mars. Støtta er fordelt på forskott i januar, april og juni til dei media som allereie er inne i ordninga, før alle støttemottakarane, inkludert nye søkarar som kjem inn i ordninga, får vedtak og endeleg støttebeløp i oktober/november.
- Når nye aviser søker støtte, vurderer Medietilsynet søkaren opp mot krava i forskrift om produksjonstilskott til nyheits- og aktualitetsmedium om blant anna innhald, utgåver/opplag og driftsøkonomi.
Nøkkelord
Kontakter
Nina Bjerkekommunikasjonsrådgiver og pressekontakt
Tel:+47 419 34 154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Filmdistributør får åtvaring frå Medietilsynet for feil aldersgrense12.4.2024 11:13:15 CEST | Pressemelding
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom