Medietilsynet har vurdert første år med ny allmennkringkastaravtale: To brot for TV 2 – men oppfyller dei fleste krava
Frå 1. januar 2019 har TV 2 hatt ein avtale med staten der kanalen får inntil 135 millionar kroner kvart år i fem år for å dekke nettokostnadene knytte til å levere allmennkringkastingsinnhald. For å oppfylle allmennkringkastingsoppdraget skal TV 2 sende eigenproduserte riksdekkande nyheitsprogram med base i den sentrale nyheitsredaksjonen i Bergen, norskspråklege program for barn og unge og norsk film og tv-drama. Eit anna krav er at hovudredaksjonen og nyheitsredaksjonen skal ligge minst hundre kilometer utanfor Oslo. I avtalen er det også ei rekke andre krav til det samla programtilbodet til kanalen, men som TV 2 ikkje får økonomisk kompensasjon for.
TV 2 braut to av krava i 2019
TV 2 har som allmennkringkastar levert eit breitt og variert programtilbod i 2019, meiner Medietilsynet. Tilsynet peikar blant anna på fleire nye norskspråklege program og at TV 2 har satsa meir på den eigenproduserte gravande journalistikken.
– I eit mediemangfaldsperspektiv er det også positivt at TV 2 har styrkt satsinga på eigenproduserte riksdekkande nyheitsprogram som blir laga utanfor Oslo, tilbyr eigne norskspråklege program både for barn og ungdom og investerer i ny norsk film- og dramaproduksjon. Dette er sentrale mål med allmennkringkastaravtalen, seier Velsand.
Medietilsynet har konkludert med at TV 2 braut to av krava i 2019. Det eine brotet gjaldt lokalisering, fordi TV 2 ikkje hadde majoriteten av dei redaksjonelle medarbeidarane på plass i hovudredaksjonen i Bergen frå starten av året. Vidare sende TV 2 for få minutt i programkategorien religion og livssyn delar av året.
Kompensasjonen blir redusert på grunn av brot
TV 2 har dokumentert ein netto meirkostnad for allmennkringkastingsverksemda på 143,8 millionar kroner i 2019, inkludert ti prosent driftsmargin, slik avtalen opnar for. Det rekneskapsmessige resultatet tilseier dermed full kompensasjon på 135 millionar kroner for 2019.
Ved brot på nokre av krava i allmennkringkastingsoppdraget, skal Medietilsynet redusere kompensasjonen med det kanalen har spart ved å ikkje oppfylle forpliktingane.
– Ettersom majoriteten av dei redaksjonelle medarbeidarane ved hovudredaksjonen i Bergen ikkje var på plass før 1. august 2019, har TV 2 brote ein del av lokaliseringskravet. Brotet gjer at kompensasjonen blir redusert. Medietilsynet kommer tilbake til storleiken på reduksjonen, seier Velsand. Kravet til program om religion og livssyn ligg utanfor allmennkringkastingsoppdraget, og dette brotet påverkar derfor ikkje kompensasjonen. Medietilsynet kan likevel gi TV 2 åtvaring, gebyr eller tvangsmulkt.
– Medietilsynet reiser ikkje tilsynssak for dette brotet. I vurderinga har vi lagt vekt på at avviket ikkje var på meir enn åtte minutt for kvar av dei fem månadene, og at TV 2 innretta sendingane i tråd med krava frå hausten 2019, seier Velsand.
Krav som er innfridde i TV 2s første år som kommersiell allmennkringkastar:
- TV 2 har i snitt sendt litt over 45 minutt nyheiter (inkludert sportsnyheiter) med base i den sentrale nyheitsredaksjonen måndag til torsdag mellom kl. 17.00 og 24.00, og like over 44 minutt mellom kl. 17.00 og 24.00 fredag til søndag.
- TV 2 har brukt over 250 millionar kroner i direkte redaksjonelle kostnader knytte til nyheitssendingane på hovudkanalen.
- TV 2 har sendt over 80 timar tv for dei yngste barna. Norskspråkleg barne-tv minimum kvar veke.
- TV 2 har investert over 50 millionar kroner i norsk film og tv-drama.
- Majoriteten av redaksjonelle avgjerder om programsamansetninga er tatt i hovudredaksjonen i Bergen.
- Den sentrale nyheitsredaksjonen er lokalisert i Bergen. Her blei majoriteten av dei redaksjonelle avgjerdene knytte til nyheitssendingane tatt, og her har majoriteten av dei redaksjonelt tilsette i nyheitssendingane arbeidsstaden sin.
- Nyheitsredaktøren har hatt arbeidsstaden sin ved den sentrale nyheitsredaksjonen for den delen av stillinga som er knytt til allmennkringkastingsoppdraget.
- Hovudkanalen har vore tilgjengeleg for minst 95 prosent av alle husstandar i Noreg (teknisk dekning), og allmennkringkastingsinnhaldet har vore opent tilgjengeleg over internett gjennom strøymetenesta TV 2 Sumo.
- Programtilbodet i hovudkanalen er basert på prinsippa for allmennkringkasting og TV 2 har sendt program for breie og smale grupper.
- Begge dei to offisielle norske målformene er nytta, og TV 2 hadde over 50 prosent norskspråklege program.
- TV 2 hadde tilstrekkeleg omfang og hyppigheit for dei fire temakategoriane samfunn/informasjonsprogram, dokumentarprogram, underhaldning og sport.
- TV 2 har etterlevd retningslinjene for rekneskapsmessig skilje mellom allmennkringkastingsverksemda og den andre verksemda til TV 2.
Krav som er brote i TV 2s første år med ny avtale som kommersiell allmennkringkastar:
- TV 2 hadde ikkje majoriteten av dei redaksjonelle medarbeidarane ved hovudredaksjonen i Bergen i heile 2019, og braut dermed eitt av lokaliseringskrava.
- TV 2 sende for få minutt innanfor programkategorien religion og livssyn i fem månader.
Les heile Allmennkringkastingsrapporten 2019 og Medietilsynets vurdering av TV 2 her.
Avtalen mellom TV 2 og staten har tre hovudmål:
– halde norsk mediemangfald ved lag
– sikre ein reell konkurrent til NRK
– sørge for at det blir produsert og sendt riksdekkande nyheitssendingar utanfor Oslo
Avtale om kommersiell allmennkringkasting mellom TV 2 og staten
Nøkkelord
Kontakter
Nina BjerkeRådgiver, avdeling for kommunikasjon, rådgivning og analyse
Tel:41934154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Filmdistributør får åtvaring frå Medietilsynet for feil aldersgrense12.4.2024 11:13:15 CEST | Pressemelding
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom