Mattilsynet friskmelder Raumavassdraga for Gyrodactylus salaris
- Dette er ein gledens dag. Friskmeldinga er ein stor siger som viser at vi kan bekjempe Gyrodactylus salaris i store vassdrag. Likevel er det først og fremst ein siger for villaksen, sa Inger Mette Hogstad i Mattilsynet då ho overrekte friskmeldingsvedtaket til Klima- og miljøminister Ola Elvestuen og Fylkesmannen i Møre og Romsdal, Rigmor Brøste, på ei markering på Åndalsnes.
Bekjemping til 100 millionar
Raumaregionen består av elvane Rauma, Istra, Hensvassdraget (Isa m/Glutra), Innfjordelva, Måna, Breivikelva og Skorga. For nesten 40 år sidan vart lakseparasitten introdusert her. Parasitten er ein innført framand art som kan utrydde heile bestandar av villaks i smitta elver.
Rotenonbehandlinga i 1993 var mislykka for parasitten vart påvist att i 1996, og spreidde seg deretter igjen til nabovassdrag. Derfor vart det gjort nye behandlingar i 2013 og 2014. Rauma er med sine 42 kilometer lakseførande strekning den lengste elva som er rotenonbehandla til no.
Friskmeldinga er resultat av eit omfattande bekjempings-, reetablerings- og overvakingsarbeid, og har kosta over 100 millionar kroner.
Veterinærinstituttet planla og leia gjennomføringa av det svært omfattande bekjempingsarbeidet. Til saman var nesten 150 personer i sving under 10 intensive dagar både i 2013 og 2014 då rotenonbehandlingane vart gjennomført.
- Det har vore ein lang kamp i ein stor og komplisert smitteregion. Det er difor desto meir gledeleg at Mattilsynet no kan friskmelde vassdraga, seier prosjekt- og aksjonsleiar for bekjempinga, Roar Sandodden i Veterinærinstituttet.
Vurderer opning av fisket
Rauma har lang tradisjon som ei populær elv for laksefiskarar. Det er no knytt spenning til når det kan bli opna for ordinært fiske i vassdraga.
- Vi veit at reetableringa av bestandane ligg godt an, men vi kan ikkje si noko sikkert om fisket før vi veit om gytebestandsmålet er nådd. Vi må gjere ei fagleg vurdering når vi får resultata frå gytefisktellinga no i haust, men eit sterkt avgrensa fiske dei første åra etter ei friskmelding er vanleg, seier miljøverndirektør Linda Aaram hos Fylkesmannen i Møre og Romsdal.
Må hindre spreiing av parasitten
For å hindre spreiing av Gyrodactylus salaris til nye vassdrag, må alle som ferdast mellom elver og innsjøar vere nøye med å desinfisere og tørke brukt utstyr.
Det er forbode å flytte fisk mellom alle elver og vatn, og mellom ulike deler av same vassdrag. Det er viktig å hugse at parasitten kan overleve fleire dagar i frie vannmassar. Fiske- og padleutstyr må enten tørkast eller desinfiserast.
Mot et Gyrodactylus salaris-fritt Norge
Den nasjonale bekjempinga mot Gyrodactylus salaris har vore ein lang kamp med nokre tilbakeslag. No står det berre to regionar att som ikkje er behandla; Drivaregionen og Drammensregionen.
-Vi er eit stort skritt nærare å utrydde parasitten i Norge. Friskmeldinga i dag lover bra for den vidare sjukdomsbekjempinga, avsluttar Inger Mette Hogstad.
For meir informasjon om Gyrodactylus salaris og bekjempinga:
Fakta Gyrodactylus salaris i Noreg
- Har vore påvist i totalt 50 vassdrag fordelt på 17 smitteregionar. Utryddingstiltak har i monaleg grad minka omfanget. Med friskmelding av Rauma er i dag er 38 vassdrag friskmelde, 5 vassdrag venter på friskmelding etter behandling og 7 vassdrag står att som infiserte - 4 i Drivaregionen og 3 i Drammensregionen.
- Vart introdusert til Norge gjennom innførsel av framand laks og regnbogeaure minst fire gonger.
- Parasitten har tidlegare vært den største menneskeskapte trusselfaktoren mot norske laksebestandar. Arbeidet med å fjerne er høgt prioritet, og dei siste åra har Vitenskapelig råd nedgradert trusselen frå parasitten.
- Gyrodactylus salaris har ført til årlege inntektstap på om lag 200-250 millionar kroner, og har kosta Norge tre-fire milliardar kroner.
Fakta bekjemping av Gyrodactylus salaris
- Miljødirektoratet har det overordna ansvaret for bekjemping av G. salaris og bevaring/reetablering av bestandene.
- Fylkesmannen har ansvaret for å lede dette arbeidet regionalt.
- Veterinærinstituttet har på oppdrag frå Miljødirektoratet ansvar for den praktiske gjennomføringa av både bevaring/reetableringsarbeidet og den kjemiske behandlinga.
- Mattilsynet har ansvar for overvaking og smittereduserande tiltak
Kontakter
Mediehenvendelser: Mattilsynets pressevakt (kl. 08.00 - 22.00, ikke SMS)
Tel:469 12 910pressevakt@mattilsynet.noBilder
Om Mattilsynet
Mattilsynet er eit statleg, landsdekkjande forvaltingsorgan som er med på å sikre forbrukarane trygg mat og trygt drikkevatn. Vi skal fremje folke-, plante- , fiske- og dyrehelse, miljøvennleg produksjon og etisk forsvarleg hald av fisk og dyr. Mattilsynet har også oppgåver i høve til kosmetikk og legemiddel og fører tilsyn med dyrehelsepersonell.
Mattilsynet sine roller er å utarbeide framlegg til, forvalte og rettleie om regelverk, føre eit risikobasert tilsyn, formidle informasjon og kunnskap og ha beredskap. Mattilsynet skal gi faglege råd til Landbruks- og matdepartementet, Nærings-og fiskeridepartementet og Helse- og omsorgsdepartementet.
Følg pressemeldinger fra Mattilsynet
Registrer deg med din e-postadresse under for å få de nyeste sakene fra Mattilsynet på e-post fortløpende. Du kan melde deg av når som helst.
Siste pressemeldinger fra Mattilsynet
Solkrem holder ikke alltid det den lover5.7.2024 13:23:33 CEST | Pressemelding
En undersøkelse fra Mattilsynet avdekket flere solkremer med for dårlig beskyttelse og for dårlig merking. Riktig oppgitt solfaktor og instruksjoner for bruk, er viktig for at forbrukere skal kunne beskytte seg mest mulig mot skadelig UVB- og UVA-stråling.
Mattilsynet følger opp tilfeller av salmonellainfeksjon3.7.2024 12:59:13 CEST | Pressemelding
Mattilsynet har blitt varslet av Folkehelseinstituttet om en økning i antall personer som er smittet med mage-tarmbakterien Salmonella Typhimurium de siste månedene. Smittekildene er foreløpig ikke kjent, men det er vanlig at slike mage-tarmbakterier smitter gjennom matvarer.
Dyrevelferdsåret 2023: Rekordmange bekymringsmeldinger og politianmeldelser27.6.2024 12:01:12 CEST | Pressemelding
Mattilsynets tilsyn med dyrevelferd i 2023 avdekket 1 073 dyrehold med brudd på regelverket. I oppdrettsnæringen var det fortsatt betydelige utfordringer med dødelighet, fiskehelse og fiskevelferd.
Gode resultater fra overvåking av norsk oppdrettsfisk26.6.2024 10:00:26 CEST | Pressemelding
I 2023 tok Mattilsynet 1 815 prøver av oppdrettsfisk, som ble undersøkt for miljøgifter, legemiddelrester og ulovlige stoffer. Resultatene fra overvåkningsprogrammet var gode, og det var ingen funn over grenseverdiene.
Bård Skjelstad (56) blir direktør for ny tilsynsdivisjon akvakultur i Mattilsynet25.6.2024 14:00:31 CEST | Pressemelding
Mattilsynet styrker innsatsen for å bidra til bedre fiskehelse og -velferd, og reorganiserer akvakulturtilsynet til en nasjonal divisjon fra 1. september. Denne skal ledes av Bård Skjelstad fra Vikhammer i Trøndelag.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom