Mange tiltak for trafikksikring på vegane i Bergen, Voss og Ullensvang

Kontrakten er på to år, med gjensidig opsjon på eitt pluss eitt år.

Det er sett opp ei rekkje prosjekt som skal gjerast i år. Tiltaka i 2022, 2023 og eventuelt 2024 vert gjort kjende etter kvart, når nye vedlikehaldsmidler vert utdelte.

Det som skal gjerast i år er:

Bergen:

¤ Bergsikring i fjellskjæring ved E39 på Fritz Riebers veg i Bergen

Voss:

¤ Diverse TS-tiltak på E16 ved Vossestrand barne- og ungdomsskule. Dette kan til dømes vera snakk om betre snuplass og betre tilhøve for av- og påstigning for buss.

¤ Brynavollen mur langs riksveg 13 på Voss skal skiftast ut.

Ullensvang:

¤ Jordnagling langs mur på Riksveg 13 i Tyssedal

¤ Utbetra synkehol/asfalt på delar av Riksveg 13 i Oddadalen

¤ Bygga opp att museal mur på E134 gamlevegen over Røldalsfjellet

¤ Renska kulvert/stikkrenner ved Mjølkestølsreet rasoverbygg på E134 Røldal

¤ Det kan også bli aktuelt med diverse tiltak på Riksveg 13 Kyrkjeneset – Bjotveit.

Fire entreprenørar har levert tilbod på prosjektet. Summane er eksklusive mva.

Tilbydar	Tilbodssum ekskl. mva:
Brødrene Flatebø AS	36.910.514,00
Mesta AS	37.152.880,76
Tverberg Entreprenør AS	37.730.313,15
Hirth Himle Entreprenør AS	42.581.425,00

– No skal vi kvalitetssikra og kontrollrekna på tilboda, og tek sikte på å underteikna kontrakt med entreprenøren snarast mogleg, seier prosjektleiar Frode Lykkebø i Statens vegvesen.