Løyve til vassuttak frå Storågavassdraget for fiskeoppdrett

Polarfisk AS vil ta i bruk eit allereie etablert settefiskanlegg med tilhøyrande røyrleidningar og vassinntak. Løyvet vil gi grunnlag for primært å produsere stør og sekundært anadrom laksefisk ved hjelp av fullverdig resirkuleringsteknologi. Vassuttaket skal ikkje vere større enn 2 m3/min og skal ikkje overstige 1,1 m3/min gjennomsnittleg vassuttak over året. Det skal til einkvar tid kunne gjerast greie for storleiken på vassuttaket.

Den største konflikten mellom vassuttak og tilsig er i følgje hydrologiske overslag midtvinters. Det er difor forventa at vassuttaket vil få minimale konsekvensar for smoltutvandring og oppvandring av gytefisk. Det er ikkje foreslått slepp av minstevassføring sidan dette medfører inngrep i vassdraget.

I nokre få dagar når det er tørt og kaldt i vinterhalvåret vil vassforbruket til settefiksanlegget vere opp mot det naturlege tilsiget i Storåga og elva kan bli tørrlagt over en strekning på 30-50 meter. Slik NVE ser det er dette den einaste ulempa av særleg betyding.

NVE er av den oppfatning at vassdraget vil bli tatt i bruk på ein god måte og legg særleg vekt på at bedrifta skal etablere eit fullverdig resirkuleringsanlegg. Med eit beskjedent vassuttak, vil selskapet kunne produsere ein betydeleg større biomasse enn det som er blitt produsert ved tidlegare drift.

NVE meiner at fordelane ved tiltaket samla sett er større enn ulempene for allmenne og private interesser, og gjev difor løyve til vassutak frå Storågavassdraget.

Les meir om løyve til vassutak frå Storågavassdraget for landbasert fiskeoppdrett på NVEs nettstad.

Kontaktpersonar
Seksjonssjef Gry Berg, tlf. 22 95 92 20
Seniorrådgiver Frank Jørgensen, tlf. 22 95 94 31