Leaika ja duođalašvuohta Riddu Riđđus
14.6.2022 07:00:00 CEST | Riddu Riđđu Festivála | Pressemelding
Riddu Riđđu eamiálbmotfestiválas lea girjás prográmma, juoga guhtiige. Festivála lágiduvvo suoidnemánu 13.-17.b. Gáivuonas, ja das leat dál ollu herskot plakáhtas.
Ođđahutkálaš performance
Mii dáhpáhuvvá go guovttis Sámi njunuš juigiin gávnnadeaba bálkkašumi vuoiti gáhttadánsejeddjiin gii lea Guatemalas eret? Diŋgojuvvon bihttá “Hyl i hælen” lea peformance mas muitalusat vássánáiggis ja dálááiggis čadnojit juoigamii ja dánsumii. Dáiddárat ohcet sullasašvuođaid sámekultuvrra ja mayakultuvrra gaskkas. Sara Marielle Gaup Beaska ja Risten Anine dovdat OZAS joavkkus. Carlos Catun aka Bboy Gatoty lea hip hop-dánsejeaddji Guatemalas eret ja lea ovdal leamaš fárus Vidas Extremasis, teáhterbihtás mii oaččui Hedda-bálkkašumi.
Sámi stand-up
Reaškkas máhccá vuolggasadjásis. Ánte Siri, Isalill Kolpus, Ánne Márjá Guttorm Graven ja Åse Kathrin Vuolab bohtet cuvccastit albma sámeleaikkaid. Reaškkasis lei vuosttaščájálmas diimmá Riddu Riđđus ja lea dan rájes leamaš Romssas, Guovdageainnus, Leavnnjas ja Álttás. Duopmu lea ovttajienalaš: álbmot dáhttu eanet sámi leaikkastallama! Reaškkas čájehuvvo guovtte geardde Riddu Riđđus.
Gelddolaš seminárat
Sámevašši lea dađi bahábut áigeguovdil fas. Miessemánu 17. beaivve-ráiddus Bådådjos bilkidedje rávisolbmot unna bártnáža. Romssas bilkidedje ja seksuálalaččat loavkašuhtte guokte nuorra nissona gávpogis. Guorahallan sámevaši birra čájeha ahte guovttis viđa nuorra sápmelaččas vásihit bilkideami máŋgga geardde jagis. Dán jagi Nordlys-seminára háliida gávdnat vástádusa dasa movt servvodat galgá bihttit sámevašiin, vai mánát ja nuorat eai báze iehčaneaset.
Eará herskot semináraprográmmas leat UIT-seminára mas sámi oahpaheaddjekriisa lea fáddán, seminára mii digaštallá sámi dáidaga geainnu viidáseappot maŋŋel Veneziabiennala, ja dáiddaságastallan Dán jagi nuorra dáiddáriin, Márjá Karlseniin.
Maŋemus festivála
Dán jagi festivála lea festiválajođiheaddji Sandra Márjá West maŋemus. Sajje Solbakk galgá čuovvut Westa dán jagi festiválas, ja son váldá badjelasas dáiddalaš jođiheami čakčamánu 1.b. rájes.
Beakkálmasat nugo Angelique Kidjo, Lido Pimienta, ISÁK ja The Halluci Nation (gudde ovdal A Tribe Called Red-nama) leat jo almmuhuvvon dán jagi festiválii. Olles prográmma gávnnat festivála ruovttusiiddus www.riddu.no.
Nøkkelord
Kontakter
Sandra Márjá WestFestivalsjef
Tel:+47 93 40 83 55sandra@riddu.noBilder
Om Riddu Riđđu Festivála
Riddu Riđđu Festivàla er en internasjonal urfolksfestival, som årlig finner sted i Kåfjord kommune i Nord-Troms. Festivalen er utendørs, og har programtilbud for hele familien. Programmet inneholder verdensomspennende urfolksmusikk, kunst, teater og dans, ungdomsleirer med kunstneriske og politiske workshops, barnefestival, dagsaktuelle seminarer, omfattende kursprogram, film og litteratur.
Følg pressemeldinger fra Riddu Riđđu Festivála
Registrer deg med din e-postadresse under for å få de nyeste sakene fra Riddu Riđđu Festivála på e-post fortløpende. Du kan melde deg av når som helst.
Siste pressemeldinger fra Riddu Riđđu Festivála
Riddu Riđđu kickstarter sommeren i Tromsø5.5.2026 12:14:29 CEST | Pressemelding
Riddu Riđđu tjuvstarter festivalsommeren med kick off i Tromsø og avslører store deler av årets festivalprogram.
Dette er Årets unge kunstner på Riddu Riđđu22.4.2026 12:23:02 CEST | Pressemelding
Aarni Pieski (23) fra Ohcejohka og Helsinki er utnevnt som “Årets unge kunstner” av Riddu Riđđu.
Dá lea Riddu Riđu ođđa festiválajođiheaddji18.3.2026 07:00:00 CET | Pressemelding
Erle Bårdsdatter Sæther lávke festiválajođiheaddjevirgái gaskariikkalaš eamiálbmotfestiválas Riddu Riđđu Festiválas ja álgá de virgái mas Sajje Solbakk lea leamašan 4 jagi.
Dette er Riddu Riđđus nye festivalsjef18.3.2026 07:00:00 CET | Pressemelding
Erle Bårdsdatter Sæther går over i stillingen som festivalsjef for den internasjonale urfolksfestivalen Riddu Riđđu Festivála, og tar over etter Sajje Solbakk som har hatt stillingen i 4 år.
Ođđa gulahallanovddasvástideaddji Riddu Riđđu Festiválas11.2.2026 11:14:28 CET | Pressemelding
Signe Bertine Birkeland Johnsen máhccá ruovttugillásis Olmmáivággái ja álgá gulahallanovddasvástideaddjin riikkaidgaskasaš eamiálbmotfestiválii Riddu Riđđu Festiválii cuoŋománu 1. beaivvi.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom