Klarsignal for bygging av protonsenter
Protonbehandling er ei meir skånsam form for stråleterapi enn tradisjonell strålebehandling, og vil redusere faren for langtidsbiverknader og seinskader. Protonbehandling skal bidra til at fleire kan leve eit normalt liv etter kreftsjukdom, og behandlinga er blant anna godt egna for barn og unge. Det er i dag ikkje noko tilbod om slik behandling i Noreg. Nokre pasientar får behandling i utlandet.
– Vi er veldig glade for at arbeidet med utvikling av eit nytt, framtidsretta tilbod til kreftpasientar no kan starte opp. Forprosjektet skisserer eit solid og realistisk byggjeprosjekt. Dette betyr mykje både for pasientane og fagmiljøa innanfor forsking og utvikling, seier administrerande direktør i Helse Vest RHF, Inger Cathrine Bryne.
Arbeidet med å planleggje etablering av protonbehandling i Noreg starta i 2012. I 2018 blei det vedteke at det det skal etablerast to protonsenter i Noreg, eit i Helse Sør-Øst ved Oslo universitetssykehus HF, Radiumhospitalet, og eit i Helse Vest ved Helse Bergen HF, Haukeland universitetssjukehus.
Skal byggjast ved Haukeland universitetssjukehus
Protonsenteret skal lokaliserast tett opptil Haukeland universitetssjukehus, ved Haukelandsbakken 45, med heis og tunnelforbindelse til Sentralblokka. Bygget er over 5 etasjar med eit bruttoaral på 10 700 kvm. Protonsenteret blir eit svært teknisk avansert bygg som vil tilby høgspesialisert behandling til kreftpasientar i heile landet, seier Bryne.
Kostnadsramma er sett til 1.142 millionar kroner. Drifta er planlagd starta i 2024 med opptrapping til full drift i 2027/28.
Nøkkelord
Kontakter
Bente AaeKommunikasjonsdirektør
Tel:415 33 807bente.aae@helse-vest.noBilder
Om Helse Vest RHF
Helse Vest RHF er eitt av fire regionale helseføretak i Noreg. Vi har det overordna ansvaret for spesialisthelsetenesta i Rogaland og Vestland fylke. I heile Helse Vest er det om lag 30 000 tilsette som jobbar for å gi best mogleg behandling og pleie til pasientane på Vestlandet. Helse Vest er direkte underlagt Helse- og omsorgsdepartementet. Vi eig dei fem helseføretaka i regionen, Helse Førde, Helse Bergen, Helse Fonna, Helse Stavanger og Sjukehusapoteka Vest, i tillegg til Helse Vest IKT AS.
Følg pressemeldinger fra Helse Vest RHF
Registrer deg med din e-postadresse under for å få de nyeste sakene fra Helse Vest RHF på e-post fortløpende. Du kan melde deg av når som helst.
Siste pressemeldinger fra Helse Vest RHF
Nye avtalar med rehabiliteringsinstitusjonar17.4.2024 13:38:31 CEST | Pressemelding
Helse Vest RHF har inngått nye avtalar med private rehabiliteringsinstitusjonar. Med dei nye avtalane er tilbodet til barn og unge styrkte.
Fornøgde med behandling5.4.2024 11:28:25 CEST | Pressemelding
Ei undersøking frå SINTEF viser at 80 prosent av dei polikliniske pasientane i psykisk helsevern for vaksne og tverrfagleg spesialisert rusbehandling, har nytte av tilbodet dei får.
Nytt samarbeid aukar tilgangen til internasjonal forsking21.2.2024 07:00:00 CET | Pressemelding
Tilgang til internasjonale publiseringskanalar er ein nødvendig føresetnad for å driva forsking. Ein ny avtale aukar tilgangen til tidsskrift, fagbøker og farmasiressursar.
Millionar spart på legemiddelavtalar gir behandling til fleire pasientar20.2.2024 09:44:52 CET | Pressemelding
Gode innkjøpsavtalar for legemiddel i Helse Vest gjer det mogleg å behandle fleire pasientar for same pengepotten.
Ny, felles regional rapport klar: Slik utviklar vi fødselsomsorga for framtida19.2.2024 08:36:10 CET | Pressemelding
Betre oppgåvedeling, tettare samarbeid, fleksible vaktordningar og heile, faste stillingar. Det er nokre av tiltaka som blir foreslåtte i ein ny, felles regional rapport; “Berekraftig utvikling for fødekapasitet på Vestlandet”.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom