Journalistikk framleis mest populært i Volda
1.131 søkarar har HVO som sitt førsteval i år, mot tilsvarande tal i fjor på 1.413 såkalla førsteprioritetssøkarar. Det er ein nedgang på nesten 20 prosent, og det er færre søkarar på dei fleste fagområda skulen tilbyr. Etter fleire år med auke i søkartala opplevde Høgskulen i Volda i 2021 ein nedgang i søkartala i fjor. Rektor Johann Roppen er diverre ikkje overraska over at trenden held fram. - Vi ser nok ein pandemieffekt her, utan at vi har svara på nøyaktig korleis dette påverkar folk sine val om å søke seg til høgare utdanning.
Færre frå eige fylke
Høgskulen i Volda har fleste studentar frå Møre og Romsdal, og her ser høgskulen ein klar tilbakegang. – Vi ser også tilbakegang i aldersgruppa 21-22 år. Dette er ei svært stor gruppe studentar. Kanskje folk ønskjer seg ut i ei pandemifri verd, undrar Roppen.
Elles ser høgskulen at det er færre søkarar i alle aldersgrupper, noko som samsvarar med det nasjonale biletet. Aldersgrupper som gjekk fram hos HVO under pandemien, er no attende på normalt eller lågare nivå samanlikna med dei siste åra.
Journalistikk flest søkarar, sosialt arbeid og barnevern størst
Bachelor i journalistikk er i år som i fjor studietilbodet med flest søkarar ved HVO. Det nyare studietilbodet medieproduksjon har vokse kraftig, og hadde ein «all time high» i fjor. I år er det nedgang for det populære studiet, men som Roppen påpeiker: Det er det nest beste søkartalet vårt her nokon gong, så vi får seie oss glade for det ligg stabilt høgt. Det gjer også dei andre mediefaga der det som vanleg vert ventelister når studentane får svar på søknaden sin i juli.
Sjølv om journalistikk har flest søkarar, så er det samla sett flest søkarar til dei to bachelorgradene i sosialt arbeid, sosionom og barnevern.
– Søkartala går berre litt ned på sosialt arbeid, seier rektor Roppen. – Dette er viktige fagområde for oss, og pandemien har diverre vist at det er bruk for mange sosionomar og barnevernspedagogar framover, så vi er glade for at desse søkartala held seg høge, held Roppen fram.
Nedslåande tal for barnehagelærarutdanninga
Lærarutdanningane har hatt nokre tøffe år med nedgang i søkarar. På nokre av studietilboda har søkartala stabilisert seg, men for andre er det ikkje betring, fortel Johann Roppen: – Det er færre som vil bli lærarar og barnehagelærarar, og det merker vi oss i Volda for dette er store og viktige studium for oss.
For barnehagelærarutdanninga var det i mange år svært stabile søkartal, men i 2021 gjekk søkartala kraftig ned og i 2022 har tala ikkje vorte betre. - Vi lurer på om dette kan vere ein korona-effekt. Vi veit at tilsette i barnehagar har hatt tøffe kår under pandemien. Her har vi sjølvsagt ikkje fasit enno, men vi ser at biletet er det same også andre stader og at også andre høgskular har markant nedgang i søkartala på barnehagelærarutdanning, seier Roppen.
For grunnskulelærarutdanninga er resultata meir blanda. Søkinga til 5-10. trinn har hatt ein jamn nedgang siste åra og held fram også i 2022. Men for Master i grunnskulelærarutdanning 1.-7. trinn, er det lyspunkt:
– Vi har same søkartal som i fjor, og nokre fleire menn! Dette er noko vi har ønska oss i lang tid, så det tek vi med oss som ei god nyheit, seier Roppen.
Han reknar med nedgangen i søking til lærarutdanningane vil vere tema på nasjonalt nivå, som det har vore ei stund no.
– Og vi i universitets- og høgskulesektoren må sjå på kva vi kan bidra med for å gjere læraryrka meir attraktive igjen, seier Roppen. – Dette vert utruleg viktig framover!
Planlegging og administrasjon aukar, kulturfag populære
Det er også studietilbod som opplever auke i søkartala, og blant dei finn vi Bachelor i planlegging og administrasjon. Her fortel Roppen at fagmiljøet har gjort ein god jobb med å synleggjere kva ein kan nytte seg av denne utdanninga til. – Vi er glade for å sjå at fleire søker seg til ei så allsidig og spanande utdanning, seier rektoren.
Andre studium som «går i pluss» ved HVO er mellom anna kulturfag som Årsstudium i musikk og Bachelor i kunst og handverk. Avdeling for kulturfag husar også det HVO-tilbodet som går att i toppen nasjonalt som det mest populære studiet per studieplass: Friluftsliv. Også i år er friluftsliv årrstudium det studiet med flerst søkarar per studieplass ved HVO. Her må søkarane belage seg på ventelister, sjølv om det totale talet på søkarar er noko ned mot fjoråret.
Høgskulen i Volda har dei siste åra hatt fleire studentar enn nokon gong med rundt 4.500 studentar i alt. Det ser ut til at vi hausten 2022 vil få noko færre studentar enn dei siste åra. - Vi veit at vårt gode og aktive studentmiljø gir studentar gode opplevingar som igjen fører til at vi får nye studentar, seier Roppen.
– Studentmiljøet har lide under koronaen, men no våren 2022 har aktivitetane vorte sveiva i gang att etter pandemien. Eg håper og trur difor at hausten 2022 vil bli ein etterlengta «normal» studiestart for dei tusenvis av studentane som kjem til Høgskulen i Volda. X2-festivalen og Dokumentarfilmfestivalen som nett har vorte arrangert var strålande døme på dette, så eg er optimist med tanke på studieåret 2022 og rekrutteringa i 2023, seier Roppen.
Kontakter
Johann RoppenRektor
Tel:+47 70 07 50 20Tel:+47 472 86 423johann.roppen@hivolda.noKommunikasjonskontoret
Tel:+47 70 07 50 00kommunikasjon@hivolda.noLine Lauvsnes OddekalvKommunikasjonssjef
Tel:+47 481 04 676line.lauvsnes.oddekalv@hivolda.noBilder
Om Høgskulen i Volda
Midt imellom fjord og fjell finn du studiebygda Volda. Med sine 4600 studentar og 350 tilsette er Høgskulen i Volda blant dei største utdanningsinstitusjonane mellom Bergen og Trondheim. Volda er kjent for aktive studentar, og høgskulen tilbyr nokre av landets leiande medieutdanningar og tradisjonsrike lærarutdanningar.
Følg pressemeldinger fra Høgskulen i Volda
Registrer deg med din e-postadresse under for å få de nyeste sakene fra Høgskulen i Volda på e-post fortløpende. Du kan melde deg av når som helst.
Siste pressemeldinger fra Høgskulen i Volda
Startar ny naturfagutdanning ved Høgskulen i Volda10.4.2024 10:41:57 CEST | Pressemelding
Berekraft, pandemi og klimakrise er ord som pregar nyheitsbiletet. For at folk både skal kunne undervise i og forstå betre slike komplekse tema, satsar Høgskulen i Volda på eit splitter nytt og fleksibelt studium innan naturfag.
Ei gledeleg førjulsgåve21.12.2023 10:18:59 CET | Pressemelding
Det er for tidleg å sprette kaka, men Høgskulen i Volda (HVO) får etter alle julemerke godkjent sin første eigne doktorgrad: ph.d. i utdanning, språk og kultur.
Seminar om kunstig intelligens7.11.2023 09:41:31 CET | Presseinvitasjon
Høgskulen i Volda tek initiativ til eit dykk inn i temaet kunstig intelligens (KI), og har invitert folk frå fylkeskommunen, kommunane, privat næringsliv, frivillige organisasjonar, studentar og andre som er interesserte i KI til eit gratis KI-seminar torsdag 9. november.
Doktordisputas: Elisabeth Busengdal30.10.2023 12:59:49 CET | Presseinvitasjon
Fredag 24. november skal Elisabeth Busengdal forsvare avhandlinga si for doktorgraden i helse- og sosialfag på Høgskulen i Volda.
Nasjonalbiblioteket under lupa i ny bok28.9.2023 06:03:00 CEST | Pressemelding
Kva driv eigentleg Nasjonalbiblioteket med når dei får digitalisere heile kulturarven vår? Dette og meir granskar professor Henrik G. Bastiansen i ei ny bok etter fem års forsking.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom