NTB

Jan Inge Fardal blir ny ansvarleg redaktør og dagleg leiar av Nynorsk pressekontor

Del

– Vi er svært glade for å ha fått ei redaksjonell kraft som Jan Inge Fardal til å leie Nynorsk pressekontor framover, kommenterer Tom Hetland, styreleiar i Stiftinga Nynorsk pressekontor.

Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix
Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix

Fardal kjem frå stillinga som ansvarleg redaktør i Sogn Avis.

– Sogn Avis er ei av dei fremste nynorske lokalavisene i landet, og vart kåra til Årets lokalavis i 2015. Fardal har som ansvarleg redaktør sidan 2006 ein stor del av æra for dette. Samstundes har han halde den utøvande journalistikken ved like, og fekk i 2017 Landslaget for lokalaviser sin journalistpris.

Styret tilsette fredag Fardal som ny ansvarleg redaktør og dagleg leiar i NPK. Han tek over etter Karoline Riise Kristiansen, som blir språksjef i NRK.

Hetland legg til at Fardal som mangeårig leiar av Vestafjelske Redaktørforening har eit stort nettverk blant mediefolk i kjerneområdet til Nynorsk pressekontor, og god innsikt i kva utfordringar lokalavisene står overfor.

– Nynorsk pressekontor har vore inne i ei svært positiv utvikling dei siste åra, og vi trur Fardal vil vere ein energisk pådrivar for vidare framgang og fornying, seier Hetland.

Viktig journalistikk på nynorsk
NPK har som si fremste oppgåve å styrkje nynorsken i pressa og nyheitsbyrået leverer i dag nyheitsstoff på nynorsk til om lag 40 aviser som publiserer på nynorsk eller begge språk.

– Når du er oppteken av viktig journalistikk på nynorsk, er det vanskeleg å finna ein meir spennande stad å vere enn NPK. Dette er eit oppdrag eg er verkeleg glad for å få og som eg ser fram til å gå laus på, seier Jan Inge Fardal sjølv om tilsetjinga.

Nynorsk pressekontor har sidan 2007 hatt ein samarbeidsavtale med NTB om drift av redaksjonen NPK, og sit samlokalisert med NTB i Hamnelageret i Oslo. Slik blir og Fardal ein del av redaktørkollegiet i NTB, som redaktør i NPK.

– Vi er strålande fornøgd med å få ein redaktør til NPK direkte frå kjerneområdet til nynorskavisene og kundegruppa til NPK. Jan Inge er ein røynd lokalavisredaktør vi er glade for å få inn i redaktørgruppa i NTB, seier sjefredaktør og adm.dir i NTB, Mads Yngve Storvik.

Fram til Fardal er på plass er det Kirsten Offerdal som er konstituert som redaktør for NPK.

Kontaktpersonar:

Mads Yngve Storvik
Sjefredaktør / adm. dir. i NTB
+47 900 45 079
mys@ntb.no

Tom Hetland
Styreleiar i Stiftinga Nynorsk pressekontor
+47 911 87 478
tom.m.hetland@gmail.com

Bilder

Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix
Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix
Last ned bilde
Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix
Jan Inge Fardal blir ny ansvarleg redaktør og dagleg leiar av Nynorsk pressekontor. Foto: Håkon Mosvold Larsen / NTB scanpix
Last ned bilde
Jan Inge Fardal (i midten) blir ny ansvarleg redaktør og dagleg leiar av Nynorsk pressekontor. Her med Mads Yngve Storvik, sjefredaktør i NTB, og Tom Hetland, styreleiar i Stiftinga 
 Nynorsk pressekontor. Foto: Håkon Mosvold Larsen / NTB scanpix
Jan Inge Fardal (i midten) blir ny ansvarleg redaktør og dagleg leiar av Nynorsk pressekontor. Her med Mads Yngve Storvik, sjefredaktør i NTB, og Tom Hetland, styreleiar i Stiftinga Nynorsk pressekontor. Foto: Håkon Mosvold Larsen / NTB scanpix
Last ned bilde

Om NTB

NTB
NTB
Langkaia 1 – Havnelageret
0150 Oslo

22 00 32 00http://www.ntb.no

NTB har formidlet nyheter i over 150 år. I dag er vi landets største leverandør av redaksjonelt innhold i tekst og bilder til norske medier. I tillegg tilbyr vi en lang rekke kommunikasjonstjenester, som kommunikasjonsplattform, oppdragsfoto, produksjon av ferdigsider, bildelagring og språktjenester.

Følg saker fra NTB

Registrer deg med din epostadresse under for å få de nyeste sakene fra NTB på epost fortløpende. Du kan melde deg av når som helst.

Siste saker fra NTB

I vårt presserom finner du alle våre siste saker, kontaktpersoner, bilder, dokumenter og annen relevant informasjon om oss.

Besøk vårt presserom