Jan Atle Stang ny regiondirektør i NHO Sogn og Fjordane

- Han har ein relevant og spennande bakgrunn for stillinga, seier styreleiar i NHO Sogn og Fjordane Ole Schanke Eikum.

Stang er opphaveleg utdanna tømrar, men fekk etter kvart meir teoretisk ballast gjennom ulike grunnfag i samfunnspolitikk, offentleg forvalting, sosialantropologi og historie. Etter nokre år som tømrar, forskalingssnikkar og lærar, var det Firdaposten som fekk gleda av å utvikle journalisten i Stang. Han  har vore sjefredaktør i Firda sidan 2003.

- Frå redaktørstolen har Stang opparbeidd god kunnskap til næringslivet i fylket, samt kjennskap til dei politiske miljøa. Regiondirektøren har ei viktig rolle som talerøyr for bedriftene, og Stang vil på ein unik måte kunne markere næringslivet sine saker, seier Ole Schanke Eikum.

Stang har for tida 4 månaders permisjon frå sin arbeidsgjevar, og er i utlandet. Han tiltrer stillinga seinast 1. februar neste år.

Nærare info ved:

Ole Schanke Eikum, styreleiar NHO Sogn og Fjordane

Mobil: 95048093

Jan Atle Stang (fem timars tidsdifferanse)

Mobil: 90576419