– Me er strålande fornøyde med komiteens vurdering. Me ser fram til å tilby eit spennande studium av høg relevans og kvalitet. Det er fantastisk at me no kan utdanne advokatar og dommarar i Stavanger. Dette har stor betydning for studentane, fagmiljøet, universitetet og byen, seier dekan Ola Kvaløy ved Handelshøgskolen ved UiS. 

UiS søkte NOKUT – Nasjonalt organ for kvalitet i utdanninga – om etablering av master i rettsvitskap hausten 2021. Det skjedde etter at Stortinget endra gradforskrifta for blant anna jus. Sommaren 2022 fekk UiS avslag.

To nye professorar

Ein av grunnane var krava til fagmiljøets størrelse og kvalifikasjonar. I løpet av hausten har fagmiljøet blitt styrka med to nye professorar i rettsvitskap: Gert Johan Kjelby og Andrea Minto. 

– Med desse nyrekrutteringane har me eit robust forskingsmiljø i strafferett og straffeprosess i Stavanger. Det gjer oss godt rusta for å tilby eit fullverdig masterstudium allereie frå hausten 2023, seier Kvaløy.  

Ved Universitetet i Stavanger finns det allereie bachelor i rettsvitenskap og master i forretningsjus.Det gjer at UiS nå kan tilby ei fullverdig juristutdanning. 

Høg kvalitet

– Vi er glade for at NOKUT stadfestar at jus-utdanninga vår har høg kvalitet. Dette viser at UiS er i stand til å møte viktige samfunnsutfordringar på utdanningssida, seier rektor Klaus Mohn.  

– UiS har ambisjonar og kapasitet til å styrke fleire viktige profesjonsutdanningar til beste for heile landet, påpeiker Mohn.