Buster Sledge: "I Love This Road"

Singel release: 8. april 2022

Høyr "I Love this Road" her 

I Buster Sledge er det fele, banjo, gitar og tre songstemmer som ber historiene fram langs eit orkestralt bakteppe forankra i akustiske musikktradisjonar frå USA. Hovudvokalist og låtskrivar, Michael Barrett Donovan, kjem frå Nord-California, og let personleg erfaring smelte saman med arketypar frå folk- og countrymusikken. Slik vert nytt liv blåst inn i velkjende songstrukturar. Gjennom Call Home sine elleve spor, løftar Buster Sledge på hatten til artistar som Norman Blake, Punch Brothers, Tim O'Brien og John Hartford. 

No kjem låta «I Love this Road», den tredje singelen frå albumet. Michael Donovan seier om låta:

«Som barn kjende eg, i likskap med fleire av vennene mine, ei motvilje i møte med uventa, men «ordinære» hendingar som at butikkar stengde for natta, gjekk konkurs eller endra stemning ut frå kven som var på jobb den dagen. At dei hyggjelege eller tiltalande eigenskapane til ein stad ikkje var ein konstant, ibuande kvalitet ved sjølve staden. Som den trivelege Mikke Mus-maskoten som slenger med leppa og har ein dårleg dag, eller favorittrestauranten din som brått får ein ny, og langt mindre talentfull, kokk bak grytene. Denne kjensla omfatta årstider – ei koseleg strand er mindre koseleg om vinteren –  eller vener sine hus (mindre innbydande når dei ikkje ventar besøk) eller familieferien i lågsesongen, til eit reisemål som verkar audt og heimsøkt av spøkelse frå betre tider. I vaksen alder blei denne kjensla ein komplisert måte å reflektere over minne på.» 

Trioen var første band ut i Sjur Lyseid (Little Hands of Asphalt) sitt nyopna Globus Studio. Lyseid har leia bandet inn i eit noko utvida akustisk lydlandskap der arrangementa er meir straumlinjeforma – som igjen står i kledeleg samspel til William Hay sitt omslagsbilete der breie penselstrøk i impresjonistiske fargar viser ein einsleg ryttar som skodar ut over ein stor elvedal. 

Banjospelar Mikael Jonassen frå Bodø, er den første i Noreg som har tatt høgare utdanning på dette instrumentet. Sjølv om det heile byrja med ein elektrisk banjo og fusion-jazz, fordjupar han seg for tida i akustisk banjo i Scruggs-stil via spelet til Béla Fleck. Han har tatt fleire turar til USA for å lære av meistrane der. Jakob Folke Ossum, jazzgitaristen som blei flat-pickingaficionado, oppdaga lyden av akustisk plekterbruk gjennom Tony Rice og Bryan Sutton og studerte plater og videoar nøye for å lære seg teknikken. Felespelar Michael Barrett Donovan levde som musikar i New York City og tok ein mastergrad i klassisk komposisjon medan han turnerte med eit Grateful Dead-hyllestband. Dei tre møttest i eit kommentarfelt på eit bluegrass-forum etter at Donovan hadde flytta til Noreg i 2019. Resten av historia må du spørje dei om på ein konsert ein gong i framtida. Buster Sledge har stått på mange små og store scenar i Sør-Noreg – ikkje la sjansen gå frå deg neste gong dei tar turen til dine trakter!

Konserter: 

26.- 27 mai - Folkemusikkveka 

28. mai - Cafeteatret, Oslo 

29. mai - Valdresmusea

30. mai - Fabrikken, Lillehammer 

1. juni - Antikvariatet, Trondheim 

3. juni - Cafe Sanaa, Bergen 

4. juni - Hardanger Kultur Gallery

5. juni - House concert, Jeff Wasserman