FOU-prisen 2021 til Roar Amdam
Ja, at det var fortent var det tydeleg at både dei som hadde foreslått han som kandidat til FoU-prisen, rektor Johann Roppen og fleire som var møtt fram under tildelinga i biblioteket ved Høgskulen i Volda (HVO), syntest. For etter om lag 35 år som tilsett ved HVO vert Roar Amdam sett på som ein heidersmann ved institusjonen, og han har oppnådd mykje.
Før han fekk det synlege beviset på at han er vinnaren av FoU-prisen ved Høgskulen i Volda i 2021, starta rektor Roppen med å fortelje om ei reise som starta ved det som då var Distriktshøgskulen i Volda i 1983. Etter å ha arbeidd for Møreforsking Volda i perioden 1986-1993, har Amdam sidan vore tilsett ved HVO.
Stor legitimitet
Amdam vart cand.agric. ved institusjonen som i dag heiter Norges miljø- og biovitskaplege universitet, NMBU, tilbake i 1977. Han starta si yrkesaktive karriere som planleggar i Sande kommune. Han forska vidare på og med primærkommunar og fylkeskommunar i år etter år etterpå, og drog fordelar av å sjølv ha jobba i yrkesfeltet.
– Med ein slik bakgrunn er det ikkje rart at prisvinnaren og fagmiljøet han er ein del av har stor legitimitet hos mange som arbeider i kommunar og lokal forvaltning - ikkje minst dei som har teke slik utdanning i Volda. I periodar har han nærast konstant vore ute på reise og formidla og diskutert fag med folk i feltet, sa Roppen i sin tale.
Prisvinnaren tok doktorgraden sin i 1998, igjen ved NMBU. Avhandlinga vart levert som to rapportar utgitt i skriftserien til Høgskulen i Volda og Møreforsking Volda i 1997.
Den forankra planen : drøfting av kriterium for alternativ næringsplanlegging
Og: Den forsømde regionen : vurdering av næringsplanlegginga i Ålesund-regionen
Amdam fekk tittelen professor i 2002.
Meir enn planlegging
Sentrale omgrep i forskinga til Amdam er instrumentell og kommunikativ rasjonalitet, kollaborativ planlegging og innovasjon, samt legitimerande planlegging og leiing. Det gjennomgåande temaet er korleis planlegging blir brukt, og kan brukast som reiskap for å fremme ønska utvikling i organisasjonar og samfunn.
Amdam si forsking har hatt stor betydning for etableringa av masterutdanninga i samfunns-planlegging og leiing for meir enn 20 år sidan, og for profilen denne utdanninga har fått.
Prisvinnaren har ein kompetanse som blir etterspurt både nasjonalt og internasjonalt, og ikkje berre på det området som tradisjonelt blir oppfatta som planlegging, men også innanfor folkehelsearbeid, nærmiljøarbeid og innovasjon.
Initiativrik
Roppen snakka om den inkluderande Amdam i sin tale.
– Han er kjend for å involvere kollegaer, stipendiatar og studentar i prosjekt som held på, og er alltid på pletten når det vert tatt faglege initiativ rundt han, ikkje minst forskingsinitiativ. Det blir fortalt at han finn det fagleg beste i dei han rettleier, skaper lett entusiasme rundt faglege funn; altså ein meister i bygging og vidareutvikling av eige fagmiljø, sa Roppen.
Amdam har vore ein racer til å få forskinga si publisert gjennom artiklar, antologiar og liknande. I forskingsdatabasen Cristin er han notert med over 400 bidrag. I biblioteka sin Bibsys-katalog står han med over 100 bidrag.
– Årets prisvinnar har verkeleg sett spor etter seg både når det gjeld forsking, utvikling og formidling, slår Roppen fast.
Under Forskingsdagane 23.-30. september 2021 kan du mellom anna få med deg Matkultur, Animasjonsfilmkveld og konfliktkafé, Shared reading, Hans Nielsen Hauge-kveld og 12-konsert.
Nøkkelord
Kontakter
Johann RoppenRektor
Tel:+47 70 07 50 20Tel:+47 472 86 423johann.roppen@hivolda.noBilder
Lenker
Om Høgskulen i Volda
Midt imellom fjord og fjell finn du studiebygda Volda. Med sine 4600 studentar og 350 tilsette er Høgskulen i Volda blant dei største utdanningsinstitusjonane mellom Bergen og Trondheim. Volda er kjent for aktive studentar, og høgskulen tilbyr nokre av landets leiande medieutdanningar og tradisjonsrike lærarutdanningar.
Følg pressemeldinger fra Høgskulen i Volda
Registrer deg med din e-postadresse under for å få de nyeste sakene fra Høgskulen i Volda på e-post fortløpende. Du kan melde deg av når som helst.
Siste pressemeldinger fra Høgskulen i Volda
Startar ny naturfagutdanning ved Høgskulen i Volda10.4.2024 10:41:57 CEST | Pressemelding
Berekraft, pandemi og klimakrise er ord som pregar nyheitsbiletet. For at folk både skal kunne undervise i og forstå betre slike komplekse tema, satsar Høgskulen i Volda på eit splitter nytt og fleksibelt studium innan naturfag.
Ei gledeleg førjulsgåve21.12.2023 10:18:59 CET | Pressemelding
Det er for tidleg å sprette kaka, men Høgskulen i Volda (HVO) får etter alle julemerke godkjent sin første eigne doktorgrad: ph.d. i utdanning, språk og kultur.
Seminar om kunstig intelligens7.11.2023 09:41:31 CET | Presseinvitasjon
Høgskulen i Volda tek initiativ til eit dykk inn i temaet kunstig intelligens (KI), og har invitert folk frå fylkeskommunen, kommunane, privat næringsliv, frivillige organisasjonar, studentar og andre som er interesserte i KI til eit gratis KI-seminar torsdag 9. november.
Doktordisputas: Elisabeth Busengdal30.10.2023 12:59:49 CET | Presseinvitasjon
Fredag 24. november skal Elisabeth Busengdal forsvare avhandlinga si for doktorgraden i helse- og sosialfag på Høgskulen i Volda.
Nasjonalbiblioteket under lupa i ny bok28.9.2023 06:03:00 CEST | Pressemelding
Kva driv eigentleg Nasjonalbiblioteket med når dei får digitalisere heile kulturarven vår? Dette og meir granskar professor Henrik G. Bastiansen i ei ny bok etter fem års forsking.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom