Fiskeri- og havministeren mottok rapport om ubåten på Fedje
– Med denne rapporten markerer vi forhåpentlegvis byrjinga på slutten for denne vanskelege og svært omdiskuterte saka om ubåten på Fedje, sa fiskeri- og havminister Bjørnar Skjæran då han mottok rapporten frå ekspertutvalet som har jobba sidan hausten 2020.
– Det er viktig for regjeringa å velje ei løysing som er trygg for miljøet og befolkninga. Eg tar på alvor den uroa folk på Fedje og langs vestlandskysten har levd med i mange år på grunn av denne saka.
Vurdere nye moglegheiter
Ekspertutvalet fekk i oppdrag å sjå på om det finst ny informasjon, ny teknologi eller nye metodar som medfører at heving av kvikksølvlasta eller heile vraket kan gjennomførast med ein lågare risiko enn det som har vore vurdert tidlegare. Tidlegare utgreiingar i regi av Kystverket har anbefalt tildekking av vraket som det beste alternativet, basert på risiko for kvikksølvforureining på kort og på lang sikt.
– Rapporten frå dette kompetente og uavhengige utvalet vil gi regjeringa eit godt grunnlag for val av miljøtiltak. Eg skal no setje meg grundig inn i oppmodingane frå utvalet. Rapporten vil bli sendt på høyring. Deretter vil regjeringa vedta korleis saka skal handterast vidare, seier statsråden.
Vil heve last før tildekking
Utvalet tilrår heving av last (mest mogleg av kvikksølvet) før tildekking av vrak og sjøbotn.
Det er betydeleg uvisse om kor mykje kvikksølv det dreier seg om, kvar det er, og tilstanden til både kvikksølvbehaldarane og vraket. Ei rekke føresetnader må derfor oppfyllast for å realisere oppsidene ved det anbefalte alternativet. Mange av desse uvissene og føresetnadene kan ikkje avklarast før etter ein faktisk set i verk tiltak, og utvalet anbefaler derfor ei trinnvis tilnærming i gjennomføringa av tiltaka. Ved kvart avgjerdspunkt vil det gjelde moglegheit for å avslutte hevingstiltaket og gjennomføre ein tildekking.
– Det at vi konkluderer annleis enn kva som er gjort tidlegare, bygger på oppdaterte samfunnsøkonomiske vurderingar og risikovurderingar, at vi meiner dette bør vere teknisk og miljømessig gjennomførbart, og eit stadig sterkare globalt fokus på at forureining skal ryddast opp i. I tillegg har vi vektlagt folk og næringslivs opplevde kjensle av tryggleik, seier utvalsleiar Gro Kielland.
Utvalsleiaren poengterer at utvalet har hatt stor respekt og audmjukskap for viktigheita av arbeidet og det å få ei endeleg løysing for U-864 – både for lokalbefolkninga og andre interessentar.
– Vi meiner sjølv vi har gjort eit grundig arbeid og kjem med ei klar oppmoding. Så veit vi at ikkje alle vil bli fornøgde, men oppfordrar interesserte til å setje seg inn i rapporten og bakgrunnen for oppmodingane.
Rapporten blir sendt på tre månaders høyring.
For spørsmål om rapporten, kontakt utvalsleiar Gro Kielland grok@hagrola.com
Les rapporten: Løsninger for U-864 - Ubåtvraket utenfor Fedje i Vestland
Vraket av ubåten U-864 - Kronologisk oversikt over arbeidet med U-864
Kontakter
Pressevakt NFD
902 51 303 (ikkje SMS)
Om Nærings- og fiskeridepartementet
Kongens Gate 8
0032 Oslo
Pressevakt: 902 51 303 (ikkje SMS)https://www.regjeringen.no/nfd
Departementet (NFD) utformar ein framtidsretta nærings- og sjømatpolitikk.
Følg pressemeldinger fra Nærings- og fiskeridepartementet
Registrer deg med din e-postadresse under for å få de nyeste sakene fra Nærings- og fiskeridepartementet på e-post fortløpende. Du kan melde deg av når som helst.
Siste pressemeldinger fra Nærings- og fiskeridepartementet
Norge og USA enige om å inngå strategisk mineralsamarbeid18.4.2024 10:39:30 CEST | Pressemelding
Norske og amerikanske myndigheter er enige om å starte formelle forhandlinger om strategisk mineralsamarbeid. Enigheten kom på plass etter næringsminister Jan Christian Vestres besøk i Det hvite hus i Washington DC onsdag.
Fiskeri- og havministeren til Bergen14.4.2024 08:05:00 CEST | Pressemelding
Fiskeri- og havminister Cecilie Myrseth er i Bergen mandag 15. og tirsdag 16. april.
Inviterer til innspill om handelspolitikk 2.011.4.2024 06:00:00 CEST | Pressemelding
Næringsminister Jan Christian Vestre ber om innspill til den første stortingsmeldingen om handel og grønn globalisering.
Næringsministeren opna Hydro sitt nye resirkuleringsanlegg for aluminium: - Eit framifrå eksempel på det grøne skiftet10.4.2024 15:33:23 CEST | Pressemelding
Hydro har gjort betydelege investeringar i resirkuleringsteknologi som svar på den aukande etterspurnaden etter aluminium med lågt karbonfotavtrykk. Satsinga blei i dag markert av næringsminister Jan Christian Vestre med ei offisiell opning av den oppgraderte støpelinja ved Hydro si fabrikk i Årdal.
Norge vil løfte bærekraftig havforvaltning på FNs globale havkonferanse10.4.2024 14:06:10 CEST | Pressemelding
Denne uken samler FN viktige aktører innen havnæringer og havforskning til en global havkonferanse i Barcelona. Fiskeri- og havminister Cecilie Myrseth og statssekretær Maria Varteressian i Utenriksdepartementet er tilstede, for å fremme blant annet bærekraftig havforvaltning og likestilling til havs.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom