Fiskebåt deltar på «Rydd med jobben-aksjonen»

- Fiskebåt har tradisjon for at adminstrasjonen er med på slike ryddeaksjonar. Det blir lagt ned stor frivillig innsats langs heile kysten, så det skulle berre mangle at ikkje vi som lever av havet skulle delta på dette, seier informasjonsleiar i Fiskebåt, Odd Kristian Dahle.

Ekstra løft

Fiskebåt har dei siste åra samarbeida om større ryddeaksjonar saman med resten av sjømatnæringa for å gi strandryddinga eit ekstra løft.

- Dugnadsinnsatsen vi ser langs heile kysten er svært viktig, ikkje minst for å skape gode haldningar. Også fiskeflåten deltar aktivt i å rydde havet gjennom ordninga Fishing for Litter. I 2020 samla og leverte norske fiskarar 208 tonn med marint avfall gjennom den ordninga, seier Dahle.

Oppmodar andre om å gjere det same

Fiskebåt oppmodar både eigne medlemsverksemder og andre til å sette av litt tid denne dagen for å delta i strandryddeaksjonen.

- Viss alle gjer litt, blir det til saman veldig mykje. Så viss fleire set av litt tid i løpet av dagen, så er det både sosialt og nyttig, seier Dahle.

Fiskebåtadministrasjonen si rydding vil foregå i Årsetvågen på Ellingsøya frå kl. 1300, torsdag 16. september. Parkering ved Brødrene Årsseth. Media er velkomne til å følge ryddeaksjonen.