Desse vegane på Voss, i Odda og i Aurland kan verta stengde på kort varsel

Byggeleiar Gaute Sekse i Statens vegvesen viser til konkrete stader der vegane kan verte stengde på kort varsel:

Riksveg 13 Myrkdalen: Myrkdalselva har stige til eit nivå som snart er i høgde med vegbanen. Vegen kan bli stengd på kort varsel.

Riksveg 13 Oddadalen: Elva har stige til eit nivå som snart er i høgde med vegbanen. Vegen kan bli stengd på kort varsel.

E16 Hallinggrovi i Aurland: Elva har skifta løp, men renn inn igjen i elveløpet før ho kjem til vegen. Vegen kan bli stengd på kort varsel.

Det er raudt farevarsel for flaum i Vestland, og Statens vegvesen har tidlegare i dag bede trafikantar om å droppa køyreturar som ikkje er heilt nødvendige.

Flaumvarselet ser du her, på varsom.no.

Elles oppmodar Statens vegvesen som alltid trafikantene om å sjekka 175.no før dei skal ut på køyretur. Her finn ein til ei kvar tid oppdatert informasjon om situasjonen på norske vegar.