Benedicte Maurseth med ein hyllest til Heilo-fuglen på Hardangervidda

Benedicte Maurseth - "Heilo", singel release 21. januar

Lytt her

Benedicte Maurseth er oppvaksen på Maurset i Eidfjord, like ved nasjonalparken, og har gått i fjella der heile sitt liv, noko som tydeleg legg grunnlaget for denne musikalske vandringa.

Første singel frå albumet Hárr (ute 25. februar) med tittelen Heilo er tileigna den trufaste fuglen med same namn, som gjerne er den fuglen ein høyrer og ser fyrst av alle når ein er på Hardangervidda. 

Hárr er opphavleg eit tingingsverk av Benedicte Maurseth, arrangert og framført i samarbeid med blant andre Mats Eilertsen og Håkon Stene til Hardanger Musikkfest i 2019. Hárr er det norrøne namnet for Hårteigen, det mest særmerkte fjell på Hardangervidda. 

Maurseth er mellom anna inspirert av økosofi, den miljøfilosofiske retninga utvikla Arne Næss, der menneska ikkje står over annan natur og dyreliv, men er del av eit økologisk system i gjensidig avhengigheit. Låta "Heilo" framvisar det å vera i samspel med naturen på beste vis, kor musikarane spelar med og vidare på rytmikken til den karakteristiske lyden frå fuglen.

“The music follows winding paths of the imagination, mixing Maurseth’s Hardanger fiddle with subtly-placed electronics and other instruments to create a moving, inviting bed of sound. “Heilo,” for instance, the longest piece on the disc, presents an utterly different artist from her 2019 solo release. Or does it? The music certainly isn’t traditional by any means, but the nature, the history that goes back generations – what is that but tradition? No pyrotechnics here, no devil’s trills. It’s Maurseth, embracing the past and touching the ground that has formed who she is. The result is gently majestic." - Chris Nickson (Rootsworld)

Benedicte Maurseth, hardingfelespelar, komponist og forfattar, er ein etablert og anerkjend utøvar. Ho har gått i lære hjå meisterspelemannen Knut Hamre gjennom fleire tiår, og har turnert i omfattande grad som solist i Norge og internasjonalt. Hennar samarbeid har vore med mange av dei fremste kunstnarar på tvers av sjangrar som Jon Fosse, Nils Økland, Marilyn Crispell, Rolf Lislevand, og Anne Marit Jacobsen. Maurseth har fleire tingingsverk bak seg mellom anna for teater, film, og fleire album. For verket Tidekverv uroppført i 2017 vart ho tildelt NOPAs musikkpris, og hennar spesialskrivne song «Very full» for Marvel Studio til TV-serien Loki, kom nyleg høgt på Billboard-lista. Maurseth har også spelt inn fleire album for Grappa Musikkforlag og ECM Records, og har skrive bøker, artiklar og essay. 

Benedicte Maurseth: hardingfele 
Mats Eilertsen: kontrabass, elektronikk 
Håkon Stene: vibrafon, perkusjon, elektronikk 
Gjest:
Rolf-Erik Nystrøm: saksofon 

Lanseringskonsertar 19.-23. januar 2022 med Benedicte Maurseth, Mats Eilertsen, Håkon Mørch Stene og Christian Wallumrød: 

19. januar, PLAYDATE, Bergen 
20. januar, Kabuso, Øystese 
21. januar, Riksscenen, Oslo 
23. januar, Moss kirke, Moss