Seks løyve og fire avslag til småkraftverk i Nesset og Rauma

Dei seks kraftverka som har fått løyve vil produsere om lag 65,4 GWh i eit medels år, noko som svarar til straumbruken til 3270 husstandar. Prosjekta som fekk avslag kunne samla gitt om lag 30,3 GWh/år.

Søknadane er handsama samla for å kunne gjere ei heilskapleg vurdering av verknadane av vasskraftverka. Verdfullt naturmangfald og landskap har vore sentrale tema i NVE si vurdering av desse prosjekta. NVE har gjeve konsesjon til kraftverka som NVE meiner gjev minst konflikt med allmenne interesser og som samstundes vil bidra med ei viss mengde ny fornybar energiproduksjon.

For å redusere dei negative verknadane for dei ålmenne interessene, er det sett vilkår til kvart av prosjekta som har fått løyve. Etter NVE si vurdering vil aktuelle tilpassingar ikkje vere tilstrekkelege til å bøte på ulempene som ville ha følgd av kraftverka som fekk avslag.

Les meir om søknad og grunngjeving for kraftverka på nve.no

Søkjar	Kraftverk	Konsesjonsgitt produksjon (GWh/år)
Clemens kraft AS	Kvidalselva kraftverk	6,09 GWh/år
Clemens kraft AS	Strandelva kraftverk	avslått
Norges småkraftverk AS	Skorga kraftverk	10 GWh/år
Blåfall AS	Smøråa kraftverk	avslått
Småkraft AS	Skorgeelva kraftverk	18 GWh/år
NK Småkraft AS	Morgådalselva kraftverk	9,2 GWh/år
NK Småkraft AS	Loftdalselva kraftverk	14 GWh/år
NK Småkraft AS	Rabbelva kraftverk	8,1 GWh/år
NK Småkraft AS	Høgseterelva kraftverk	avslått
Rauma energi AS	Kavlifoss minikraftverk	avslått

　

Kontaktpersonar:

Sakshandsamar Kaja H. Engebrightsen, tlf. 22 95 92 51

Sakshandsamar Eirik Bjørkhaug, tlf. 22 95 93 66

Sakshandsamar Birgitte Kjelsberg, tlf. 22 95 90 32

Sakshandsamar Bård Ottesen, tlf. 22 95 95 28

Seksjonssjef Øystein Grundt, tlf. 22 95 93 89 / 901 98 216