Løyve til Riva kraftverk

I vedtaket legg NVE vekt på at ei utbygging av Riva vil vere eit bidrag til fornybar energiproduksjon med avgrensa miljøeffektar.

Utbygginga vil gjere nytte av fallet mellom 650 moh og 425 moh. Vassvegen skal vere nedgraven heile vegen. Dei viktigaste problemstillingane i saka er slik NVE ser det, omsynet til landskap og biologisk mangfald. NVE meiner ulempene kan reduserast i tilstrekkelig grad gjennom avbøtande tiltak.

NVE meiner at tiltaket vil føre med seg små negative ulemper for naturmiljøet. I vedtak om løyve er det lagt vekt på at det skal gå ei heilårleg minstevassføring i Riva. Området er ikkje synleg i eit større landskapsrom, og slik NVE ser det vil inngrepa berre få lokale verknader, og den er dermed ei akseptabel utbygging.

NVE vurderer nytten av tiltaket som større enn ulempene for allmenne og private interesse, og gjev difor løyve til bygging av Riva kraftverk på nærare fastsette vilkår.

Les meir om løyvet til Riva kraftverk.

Kontaktpersonar:

Seksjonssjef Øystein Grundt, tlf. 22 95 93 89 / 901 98 216

Avdelingsingeniør Henrik Langbråten, tlf. 22 95 94 18 / 92 09 70 70