Tilrår løyve til bygging av Stikkelvika kraftverk og regulering av Kjerringvatnet

I den samla vurderinga legg NVE vekt på at kraftverket vil produsere om lag 20 GWh kraft årleg, tilsvarande straumforbruket til 1000 husstandar. Ei utbygging vil gje eit positivt bidrag til den nasjonale satsinga på fornybar energi.

NVE si tilråding gjeld ei utbygging med inntak i Kjerringvatnet og avlaup i Røssvatnet, og løyve til å regulere Kjerringvatnet med 1,5 meter senking av vasstanden.

Mulege negative konsekvensar er hovudsakeleg knytt til naturmangfald, landskap og reindrift. NVE finn at minstevassføring, avgrensa regulering og andre avbøtande tiltak vil redusere dei negative konsekvensane tilstrekkeleg til at tiltaket vært akseptabelt i høve til allmenne og private interesser.

Etter ei samla vurdering meiner NVE at nytten av tiltaka er større enn ulempene, slik at kravet i vassdragsreguleringslova og vassressurslova er oppfylt.  Olje- og energidepartementet vil stå for den vidare sakshandsaminga av Stikkelvika kraftverk.

Les meir om saka på NVE sin nettstad

Kontaktpersonar:
Avdelingsdirektør Rune Flatby, tlf. 416 78 203
Seksjonssjef Øystein Grundt, tlf. 229 59 389 / 901 98 216
Sakshandsamar Henrik Langbråten, tlf. 229 59 418 / 920 97 070