Løyve til Malme og Røshol kraftverk

NVE legg vekt på at ei utbygging av Malme og Røshol kraftverk vil vere eit bidrag til auka produksjon av fornybar energi med små effektar for miljø og brukarinteresser.

Utbygginga vil nytte eit fall på 64 meter i Malmeelva. Vassvegen skal bores i øvre del, medan nedre del skal vere nedgraven røyrgate.

For å ta vare på landskap og naturverdiar knytt til Malmeelva, er det sett krav om ei minstevassføring på 140 l/s om sommaren og 90 l/s resten av året. Av omsyn til anadrom fisk i nedre deler av Malmeelva skal det installerast en omlaupsventil i kraftstasjonen.

Med dei fastsette vilkåra, meiner NVE at fordelane ved ei utbygging er større enn skadar og ulemper for private og allmenne interesser. På bakgrunn av dette gjev NVE løyve til bygging av Malme og Røshol kraftverk.

Les meir om Malme og Røshol kraftverk

Kontakpersonar:

Seksjonssjef Øystein Grundt, tlf. 22 95 93 89 / 901 98 216

Seniorrådgjevar Erik Roland, tlf. 22 95 90 24 / 913 97 771