NVE gjev løyve til Gudåa kraftverk

NVE legg vekt på at ei utbygging av Gudåa kraftverk vil vere eit bidrag til auka produksjon av fornybar energi med avgrensa effektar for miljø og brukarinteresser.

Utbygginga vil nytte fallet mellom 355 moh. og 105 moh. i Gudåa. Vassvegen skal gå i tunell frå inntaket og ned til 305 moh. Inntaket skal vere veglaust. Frå påhogget skal røyrgata vere nedgraven langs eksisterande veg ned til kraftstasjonen.

For å ta vare på verdiar knytt til akvatisk miljø og landskap er det sett krav om å sleppe ei minstevassføring i Gudåa på 170 l/s i sommarsesongen og 85 l/s resten av året. Det er sett krav til omlaupsventil i kraftverket.

Med dei fastsette vilkåra meiner NVE at fordelane ved ei utbygging er større enn skadar og ulemper for private og allmenne interesser, og gjev difor løyve til bygging av Gudåa kraftverk.

Les meir om Gudåa kraftverk

 

Kontaktpersonar:

Seksjonssjef Øystein Grundt, tlf. 22 95 93 89 / 90 10 82 16

Sakshandsamar Kaja Henny Engebrigtsen, tlf. 22 95 92 51 / 92 60 00 50