Løyve til ny 132 kV kraftleidning frå Ålfoten til Deknepollen

NVE gjev òg løyve til å utvide kapasiteten i Ålfoten og Deknepollen transformatorstasjonar. 

 

Delar av noverande nett er gamalt og må skiftast ut. Det føreligg òg planar om auka forbruk og kraftproduksjon i ytre Nordfjord. NVE meiner leidninga er viktig for å oppretthalde og styrke forsyningsstryggleiken i Måløyområdet, uavhengig av eventuell vindkraftutbygging i området.

Den traseen NVE meiner totalt sett vil gje færrast ulemper for miljøet frå Ålfoten mot Deknepollen, er alternativ 4.0, 4.1, 4.0, 4.3, 4.0 og 1.0 (sjå sakspapira for meir informasjon), og består av om lag 25 kilometer luftleidning og 3 kilometer jord- og sjøkabel. NVE meiner miljøverknadane av leidninga er akseptable.

Kraftleidningen vil for det meste ha god bakgrunnsdekning i skog og terrengformasjonar, medan den i bratt terreng og meir opent landskap vil bli eit synleg inngrep. Særleg vil leidningen bli synleg ved kryssinga via Storøya i Rugsundet, og NVE set difor vilkår om at leidningen skal kamuflerast i dette området. Ved kryssing av Rugsundet via Storøya skal kraftleidningen byggjast med fugleavvisarar for å minke faren for at fugl skal kollidere med linene. 

NVE set krav om utarbeiding av ein miljø-, transport- og anleggsplan for utbygginga.

Les meir om saka.

Kontaktpersoner:
Avdelingsdirektør: Rune Flatby, tlf.: 41 67 82 03
Seksjonssjef: Siv Sannem Inderberg, tlf.: 90 19 30 08