NVE gjev løyve til 132 kV kraftleidning Kvitfossen–Solbjørn

NVE gjev og konsesjon til to nye transformatorstasjonar, Kvitfossen og Svolvær, og løyve til å oppgradere Kleppstad transformatorstasjon i Vågan kommune.

Den nye 101 kilometer lange kraftleidningen skal erstatte eksisterande 66 kV leidning, som er 117 kilometer. Transformatorstasjonane skal erstatte Kvitfossen, Mølnosen og Trollhøgda transformatorstasjonar. 

NVE meiner at tiltaka er naudsynte for å sikre strømforsyninga til Lofoten. Tiltaka vil og leggje til rette for ny kraftproduksjon.

NVE legg vekt på at det totalt skal rivast meir 66 kV nett enn kva som skal byggjast nytt. NVE vurderer at val av trasé, samt avbøtande tiltak, vil sørgje for at kraftleidningen vil ha moderate verknader for miljø, arealbruk og allmenne interesser.

NVE gjev i all hovudsak konsesjon til traséalternativ 1.0, men på nokon delstrekningar gjev NVE konsesjon til andre alternativ:

1.4.1 ved Kongsmarka
1.1.1 ut frå Kleppstad transformatorstasjon
1.2 ved Lyngdalsvatnet
1.0.2 ved Slydalen
1.0.3 ved Leknes lufthamn
1.0.4 ved Offersøy
3.0 ved Flakstad/Midtsundstadt

NVE set krav om utarbeiding av miljø-, transport- og anleggsplan. Ved Malnesvika skal kraftleidningen byggjast med fugleavviser over ein omlag to kilometer lang strekning.

For å  ta vare på sanddynane ved Midtsundstad, skal markdekket behaldast og leggjast tilbake etter anleggsarbeidet. I tillegg er det sett krav om at dagens 22 kV luftleidning ved Malnesvika og over jordbruksareala på Offersøys, skal leggast som kabel. 

Les meir.

Kontaktpersonar:
Seksjonssjef: Siv Sannem Inderberg -  22 95 94 38 / 90193008
Saksbehandler: Anette Ødegård – 22 95 92 69 / 45258978