NVE gjev løyve til Hilleshamn kraftverk

I vedtaket legg NVE vekt på at ei utbygging av Hilleshamn kraftverk vil vere eit bidrag til auka fornybar kraftproduksjon med avgrensa effektar for miljø og brukarinteresser.

Kraftverket er planlagt i Hilleshamnelva, med hovudinntak på kote 380, kraftstasjon på kote 35 og ei regulering av Hilleshamnvatnet. Vassvegen frå inntaket og ned til om lag kote 200 vert lagt i fjell, medan den nedre delen vil gå som nedgraven røyrgate.

NVE meiner at med krav til tunnel i øvre del, slepp av minstevassføring heile året og ei avgrensa regulering av Hilleshamnvatnet, vil tiltaket føre med seg akseptable og relativt små ulemper for landskap, fisk og reindrifta si bruk av området. NVE har fastsett ei minstevassføring på 150 l/s heile sumarsesongen, og 50 l/s resten av året.

Med dei fastsette vilkåra meiner NVE at fordelane ved ei utbygging er større enn skadane og ulempene for allmenne og private interesser, og gjev difor løyve til bygging av Hilleshamn kraftverk.

Les meir om løyvet til Hilleshamn kraftverk på NVEs nettstad.

Kontaktpersonar:
Seksjonssjef Øystein Grundt, tlf. 22 95 93 89/901 98 216
Seniorrådgivar Auen Korbøl, tlf. 22 95 93 44