Løyve til Skamdal kraftverk

Skamdal kraftverk vil få ein installert effekt på 2,1 MW og gje ein årleg produksjon på omlag 5,3 GWh.

NVE ga konsesjon til same søkar på delar av utbyggingsstrekninga i 2007. I 2012 vart det fremma nye planar med inntaket lenger opp i elva og ny framføring av vassvegen. Kraftverket vil no få inntak på kote 145 i Skamdalselva og kraftstasjon på kote 3 i Hulbekkbukta.

Sidan 2007 har kunnskapen om det biologiske mangfaldet i tiltaksområdet auka monaleg. I nedre delar av elva er det ei bekkekløft verdsatt opp mot nasjonal verdi, og i midtre del er det flommarkskog med lokal verdi. Ved inntaket er det ei bekkekløft med lokal verdi.

NVE meiner at dei nye planane gjer ein meir skånsam utbygging for biologisk mangfald og landskap. Med fastsett minstevassføring blir det meir vatn i den nedre bekkekløfta, og terrenginngrepa vil i større grad bli knytt til eksisterande infrastruktur i området.  

NVE vurderer at ei utbygging i vassdraget er akseptabel i høve til allmenne interesser, og gjev difor løyve til Skamdal kraftverk.

Les meir om Skamdal kraftverk.

Kontaktpersonar:
Sakshandsamer Ingri Guren, tlf 22 95 91 59
Seksjonssjef Øystein Grundt, 22 95 93 89 / 901 98 216