Løyve til Farmannåga kraftverk

NVE legg vekt på at ei utbygging av Farmannåga kraftverk vil vere eit bidrag til auka fornybar kraftproduksjon med avgrensa effektar for miljø og brukarinteresser.

Kraftverket er planlagt i Farmannåga, med hovudinntak omlag ved kote 260 og kraftstasjon ved kote 10. Vassvegen frå inntaket til kraftstasjonen skal vere nedgraven røyrgate. NVE har vurdert tiltaket til å medføre akseptable og relativt små ulemper for naturmiljøet NVE legg vekt på konsekvensane for reindrift og meiner det er nødvendig med et samarbeid mellom søker og reinbeitedistriktet i planleggings- og byggefase.

NVE har fastsett ei minstevassføring på 30 liter i sekundet om sommaren og 10 liter i sekundet om vinteren. NVE meiner at minstevassføringa i stor grad vil ta vare på naturmiljøet. Med den nye løysningen for vassveg som blei presentert i planendringane meiner NVE at konsekvensane vil være akseptable.

NVE vurderer at i sum er nytten av tiltaket større enn skader og ulemper for private og allmenne interesser, og gjev difor løyve til bygging av Farmannåga kraftverk på fastsette vilkår.

Fylkesmannen i Nordland har fremja motsegn til prosjektet. Avgjersla om å gje løyve vil difor bli sendt til Olje- og energidepartementet for klagehandsaming etter at klagefristen har gått ut.

Les meir om Farmannåga kraftverk.

Kontaktperson:
Seksjonssjef Øystein Grundt, tlf. 22 95 93 89 / 901 98 216