Løyve til Gjerdelva kraftverk

I vedtaket har NVE lagt vekt på at ei utbygging av Gjerdelva kraftverk vil vere eit bidrag til auka fornybar kraftproduksjon med avgrensa miljøeffektar, og at brukarinteresser blir ivaretekne.

Kraftverket er planlagt i Gjerdelva, med hovudinntak omlag ved kote 587 og kraftstasjon ved kote 35. Vassvegen frå inntaket til kraftstasjonen skal vere ein kombinasjon av tunnel og nedgraven røyrgate. Inntaket er planlagt veglaust. NVE legg vekt på at alle tekniske installasjonar skal tilpassast landskapet best mogeleg.

Det er i liten grad registrert raudlista artar og naturtypar i området, og NVE har vurdert tiltaket til å medføre små negative ulemper for naturmiljøet. NVE har fastsett ei minstevassføring på 130 liter i sekundet i sommarsesongen og 30 liter i sekundet resten av året. NVE meiner at minstevassføringa i stor grad vil ta vare på naturmiljøet. Minstevassføringa vil og dempe ulempene for vassforsyninga, landskap og friluftsliv.

NVE set vidare vilkår om at reinbeitedistriktet blir teke med på råd i forkant av, og under ein, eventuell utbygging, slik at anleggsarbeidet kan tilpassast reindrifta sin arealbruk.

NVE vurderer at i sum er nytten av tiltaket er større enn skader og ulemper for private og allmenne interesser, og gjev difor løyve til bygging av Gjerdelva kraftverk på fastsette vilkår.

Les meir om Gjerdelva kraftverk

Kontaktpersonar:
Avdelingsingeniør Henrik Langbråten, tlf. 22 95 94 18
Seksjonssjef Øystein Grundt, tlf. 22 95 93 89 / 901 98 216