Løyve til Jordalen kraftverk

Jordalen kraftverk er planlagt i elva Jordalselvi. I vedtaket har NVE lagt vekt på at ei utbygging av Jordalen kraftverk vil vere eit bidrag til auka fornybar kraftproduksjon med avgrensa miljøeffektar, og at brukarinteresser blir ivaretekne.

Ved Jordalselvi er funne bekkekløft og bergvegg med regional verdi, og beiteskog med lokal verdi. Det er registrert fuktkrevjande raudlisteartar i begge bekkekløftene. I avgjerda har NVE lagt vekt på at minstevassføringa blir satt høg nok sommartid til at dei negative verknadene for desse fuktkrevjande områda vert avbøta.

Ei utbygging vil òg ha verknader for padlarar som brukar dei meir krevjande områda i elva. NVE sett difor krav om produksjonsstans på dagtid i Ekstremsportveko og ei helg elles i året, der tid vert fastsatt i samråd med Voss Kajakk Klubb.

NVE vurderer at nytten av tiltaket er større enn skadar og ulemper for private og ålmenne interesser, og gjev difor løyve til bygging av Jordalen kraftverk på nærare fastsette vilkår.

Les meir om Jordalen kraftverk.

Kontaktpersonar:
Seksjonssjef Øystein Grundt, tlf. 22 95 93 89 / 901 98 216
Overingeniør Birgitte M. W. Kjelsberg, tlf. 22 95 90 32