Folkemøte om Buheii vindkraftverk med tilhøyrande nettilknyting i Kvinesdal og Sirdal

NVE har motteke konsesjonssøknad med konsekvensutgreiing for Buheii vindkraftverk med tilhøyrande nettilknyting i kommunane Kvinesdal og Sirdal. Buheii Vindkraft AS planlegg å byggje og drive eit vindkraftverk i området Buheii og Grønheia i Kvinesdal kommune i Vest-Agder.

Anlegget er planlagt lokalisert ved Risnes og Netland nord i kommunen, rett vest for Vesterdalen med vassdraget Kvina og 10 km aust for Knaben. Planområdet utgjer omlag 7,6 km2. Vindkraftverket vert planlagd med 23 turbinar med en installert effekt på om lag 3,3 MW per turbin. Dette vil gje ein samla installert effekt på inntil 75,9 MW. Kraftproduksjonen er tenkt overført til framtidige Ertsmyra transformatorstasjon via ein 7,4 km lang 132 kV kraftleidning i Sirdal kommune. Buheii Vindkraft AS søkjer også om oreigningsløyve i medhald av oreigningslova for nødvendig grunn og rett til bygging og drift av dei spesifiserte anlegga.

På møtet vil tiltakshavar informere om prosjektet og NVE vil orientere om sakshandsaminga av søknaden. Søknaden er tilgjengeleg på NVEs nettstad, og er lagt ut til offentleg ettersyn i kommunane.

Fråsegn kan sendast til NVE:

•  på e-post til nve@nve.no
•  per post til: NVE, Postboks 5091 
   Majorstua, 0301 Oslo.
•  via nettskjema på NVEs nettstad.
  
  Fristen for å kome med merknader er 15. desember 2014.

Kontaktpersonar:
Overingeniør Hilde Aass på telefon 22 95 98 85 Seksjonssjef Arne Olsen, tlf.: 22 95 92 27 eller 915 48 387