Løyve til Brekkefossen kraftverk

I vedtaket har NVE lagt vekt på at ei utbygging av Brekkefossen kraftverk vil vere eit bidrag til auka fornybar kraftproduksjon med avgrensa miljøeffektar.

Brekkefossen kraftverk vil etter dei framlagte planane nytte ei fallhøgd på 89 meter i Storelva, med inntak på kote 333 og kraftstasjon på kote 244. Vatnet skal førast i røyr frå inntaket til kraftstasjonen, og vassrøyret skal ligge nedgrave på heile strekninga.

Brekkefossen Kraftverk AS har også tidlegare søkt om løyve til bygging av Brekkefossen kraftverk. NVE avslo då søknaden med den grunngjevinga at tiltaket ville vere i konflikt med vassdraget si verd som eit markert landskapselement i Vassdalen. I etterkant av vedtaket har Brekkefossen kraftverk AS sendt ein endra søknad der inntaket er flytt til kote 333, som er nedanfor dei mest konfliktfylte områda.

Etter NVE si vurdering vil ikkje ei utbygging der inntaket plasserast som det no er søkt om, føre til vesentlege ulemper for ålmenta. Samstundes vil tiltaket gje omlag 9 GWh/år i fornybar energiproduksjon. NVE har på bakgrunn av dette gjeve Brekkefossen kraftverk AS løyve til å byggje av Brekkefossen kraftverk på nærare fastsette vilkår.

Les meir om saka her.

Kontaktpersonar:
Seksjonssjef Øystein Grundt, tlf. 22959389/90198216
Avdelingsingeniør Bjørnar H. Roalkvam, tlf. 22959471