Løyve til Lauvåsåna kraftverk

I vedtaket har NVE lagt vekt på at ei utbygging av Lauvåsåna kraftverk vil vere eit bidrag til ein fornybar energiproduksjon med avgrensa miljøeffektar.

Lauvåsåna kraftverk vil etter dei framlagte planane nytte ei fallhøgd på 265 m i Døvikåna, med inntak på kote 295 og kraftstasjon på kote 30. Vatnet skal førast i røyr frå inntaket til kraftstasjonen og vassrøyret skal ligge nedgrave i grøft heile strekninga.

Konsekvensane for allmenne interesser er primært knytt til kystmyrlokaliteten «Jarven» som har verdi A, og naturmangfaldet knytt til denne. NVE meiner at den planlagde plasseringa av inntaket ikkje vil røre ved kystmyra nemneverdig. Andre ulemper er etter vårt syn avgrensa og kan bøtast på ved fastsetting av vilkår og oppfølging i anleggsperioden.

Rogaland fylkeskommune har fremja motsegn mot søknaden, dei vurderer potensialet for funn av automatisk freda kulturminner høgt og vil derfor gjennomføra ein synfaring.

NVE vurderer det slik at med ei utbygging der inntaket plasserast som omtalt i søknaden, vil tiltaket ikkje føre til vesentlege ulemper for ålmenta. Samstundes vil tiltaket gje omlag 3,4 GWh/år i fornybar energiproduksjon. Vi har på bakgrunn av dette gjeve Småkraft AS løyve til bygging av Lauvåsåna kraftverk på nærare fastsette vilkår.

Kontaktpersonar:

seksjonssjef Øystein Grundt, tlf. 22 95 93 89/901 98 216

avdelingsingeniør Bjørnar H. Roalkvam, tlf. 22 95 94 71