Løyve til Breivikelva kraftverk

NVE gjev løyve til bygging av Breivikelva kraftverk etter eit revidert søknadsalternativ. Utbygginga vil gjere nytte av fallet mellom kote 300 og kote 20 i Breivikelva. Vassvegen frå inntak til kraftstasjonen skal vere nedgraven heile vegen.

NVE har lagt vekt på at ei utbygging av Breivikelva kraftverk vil vere eit bidrag til produksjon av meir fornybar energi.

For å ta vare på naturverdiar og oppretthalde noko av den økologiske balansen knytt til elva, er det sett krav om å sleppe ei minstevassføring på 360 l/s i sommarsesongen og 50 l/s resten av året i Breivikelva. Dette er også eit viktig avbøtande tiltak for å ivareta Storforsen som landskapselement. Det skal leggast særleg vekt på omsynet til reindriften ved at skogsvegen langs rørtraseen skal haldast stengt med bom når rein beiter eller flyttast i området.

NVE vurderer i sum at nytten av tiltaket er større enn skader og ulemper for private og allmenne interesser, og gjev difor løyve til bygging av Breivikelva kraftverk på fastsette vilkår.

Les meir om Breivikelva kraftverk.

Kontaktpersonar:
Seniorrådgjevar Erik Roland, tlf. 22 95 90 24
Seksjonssjef Øystein Grundt, tlf. 22 95 93 89