NVE gjev løyve til vindkraftverk i Nordreisa kommune

NVE har lagt til grunn at vindforholda er tilstrekkelig gode i planområdet og at Maurneset vindkraftverk vil til å oppfylle politiske mål om auka satsing på fornybar kraftproduksjon i Noreg.

Det vert gitt løyve til ein installert effekt på inntil 10 MW. NVE vil også gje Vindkraft Nords AS AS løyve til å bygge og drive ei 22 kV kraftleidning frå planområdet til Hamneidet transformatorstasjon. Kraftleidningen skal kablast og leggast i grøft langs vegen til området.

Dei viktigaste negative verknadane av tiltaket, er etter NVEs vurdering knytt til landskap, kulturmiljø, friluftsliv, fugl og reindrift. NVE har med omsyn til reindrift sett vilkår i konsesjonen om mellom anna å stenge ny veg til området, for motorisert ferdsel og legge anleggsaktivitetane utanom brunstperioden. Etter NVEs vurdering vil tiltaket ikkje ha betydning for den regionale eller nasjonale bestandsutviklinga for trua og sårbare naturtypar og arter, og etablering av vindkraftverket vil derfor ikkje kome i strid med forvaltningsmål for naturtypar og artar, jamfør naturmangfaldlova §§ 4 og 5.

Fylkesmannen i Troms har fremja motsegn i saka på grunnlag av anleggets avgrensa samfunnsnytte i forhold til dei negative verknadane tiltaket har for naturmangfald, landskap og friluftsliv. Nordreisa kommune stiller seg positive til planane.

Les meir om løyve til Maurneset vindkraftverk på NVEs nettstad.

Kontaktpersonar:
Avdelingsdirektør Rune Flatby, tlf: 41 67 82 03
Saksbehandlar Hilde Aass, tlf: 22 95 98 85