NVE gjev løyve til småkraftverk i Ballangen

I vedtaket har NVE lagt vekt på at ei utbygging av Kaldåga kraftverk vil vere eit bidrag til fornybar energiproduksjon med avgrensa miljøeffektar.

Utbygginga vil gjere nytte av fallet mellom 308 moh og 15 moh. Vassvegen vil bli 850m lang og rørgata vil vere nedgraven heile strekninga. Dei viktigaste problemstillingane i saka er slik NVE ser det, omsynet til reindrift og terrengmessig tilpassing. Med krav om samarbeid mellom søkjar og Frostisen reinbeitedistrikt i planlegging og gjennomføring av utbygginga og minstevassføring heile året, meiner NVE at ulempene vert redusert i tilstrekkeleg grad.

NVE vurderer at inngrepa berre vil få lokale verknader, og at det dermed er ei akseptabel utbygging. NVE vurderer nytten av tiltaket som større enn ulempene for allmenne og private interesser og gjev difor løyve til bygging av Kaldåga kraftverk på nærare fastsette vilkår.

Les meir om Kaldåga kraftverk på NVEs nettstad.

Kontaktpersonar:
Seksjonssjef Øystein Grundt, tlf. 22 95 93 89 / 901 98 216
Fullmektig, Martine Sjøvold tlf.97612556