Nettforsterkingar på Sørlandet

Oppgraderinga vil auke forsyningstryggleiken, leggje til rette for ny fornybar kraftproduksjon og gje rom for vedlikehald og oppgraderingar av anna nett i området. Dei største nytteverknadane er knytt til framtidige moglegheiter for tilknyting av fleire utlandssamband og tilrettelegging for ny kraftproduksjon. NVE har samstundes handsama fleire 132 kV leidningar som vil kunne knyte meir fornybar kraft til kraftsystemet.

Spenningsoppgraderinga inneber at traseen vert forskyve omlag 40 meter mot aust. NVE gjev konsesjon til å krysse Øksendalen med eit luftspenn. På strekninga frå Øksendal til Ertsmyra gjev NVE konsesjon til det vestre alternativet der NVE har lagt vekt på at dette vil vere minst synleg frå bustader. Dei største endringane i arealbruk er knytt til nye transformatorstasjonar ved Hestesprangvannet i Kvinesdal og på Ertsmyra i Sirdal, og endringar av traseen for sentralnettet inn og ut av desse transformatorstasjonane.

Dei største miljøulempene med oppgraderinga er etter NVEs vurdering knytt til anleggsfasen. NVE har sett vilkår om at Statnett skal utarbeide ein miljø-, transport- og anleggsplan, som etter NVEs vurdering kan medverke til å redusere negative miljøverknader ved bygging av leidningane og stasjonane. NVE har sett vilkår om kamuflering av dei nye leidningane mellom Tonstad og Ertsmyra. Det er også sett vilkår om to vegar til Ertsmyra for å redusere anleggstrafikk i områder med bustader, og tilrettelegging for nye friluftsområde som alternativ til områda kring Kvinesdal transformatorstasjon.

Les meir:

Løyve til spenningsoppgradering mellom Feda og Tonstad med nye transformatorstasjonar i begge endar.

Vurdering av ny likestrømssamband mellom Norge og Tyskland.

Kontaktpersonar:
Avdelingsdirektør Rune Flatby tlf: 416 78 203
Seksjonssjef Siv Sannem Inderberg tlf: 90 19 30 08