Tilrår bygging av Godfarfoss kraftverk

Kraftstasjonen og vassvegen skal leggast i fjell, kraftleidningen skal gravast ned og dei fysiske inngrepa vil etter NVE si vurdering medføre relativt små negative konsekvensar. Redusert vassføring vil gjere Godfarfossen til eit mindre framtredande landskapselement og endre livsvilkåra for vasstilknytta arter. NVE har sett vilkår om at det skal sleppast minstevassføring heile året. For å sikre ei viss vassføring i den viktigaste turist- og friluftslivsperioden, rår NVE til at det vert sleppt noko meir (10 m³/s)  i månadene juli og august.

Med avbøtande tiltak vil ulempene etter NVEs vurdering vere akseptable i høve til nytten. NVE har lagt vekt på at utbygginga samla vil medføre akseptable konsekvensar for miljø og samfunn, og at tiltaket vil bidra med ny, fornybar kraft. NVE rår på bakgrunn av dette til at det blir gitt løyve til bygging av Godfarfoss kraftverk.

På bakgrunn av at søknaden omfattar eit kraftverk som produserer over 40 GWh og har installert effekt på meir enn 10 MW, går saka til Olje- og energidepartementet som vil stå for den vidare sakshandsaminga.

Les meir om tilrådinga til Godfarfoss kraftverk

Kontaktpersonar:

Avdelingsdirektør Rune Flatby, tlf. 416 78203
Seksjonssjef Carsten Stig Jensen, tlf. 908 50206