NVE tilrår konsesjon til Vigdøla kraftverk

Kraftstasjonen er planlagd å ligge i fjellet ved sida av eksisterande Jostedal kraftverk. Inntaket er planlagt plassert i Vigdøla ved Skitnamyrtjønni medan utlaupet går i utlaupstunellen frå Jostedal kraftverk som munnar ut i Gaupnefjorden.

NVE legg vekt på at planane inneber ny fornybar kraft og at ein i stor grad kan nytte eksisterande anlegg. Det vil bli få nye vegar og kraftverket kan koplast på eksisterande transformator. Negative verknader er i hovudsak knytt til den reduserte vassføringa i Vigdøla, og at dette vil endre landskapet visuelt sett. Delar av nedbørsfeltet til Vigdøla er allereie utnytta i Jostedal kraftverk og ein ytterlegare reduksjon av vassføringa samt erfaring frå tidlegare utbygging inngår i den samla vurderinga. NVE meiner at slepp av minstevassføring heile året med hovudvekt på høgsommaren vil bidra til å redusere dei negative verknadane på ein god måte. 

Sidan søknaden omfattar eit elvekraftverk som produserer over 40 GWh  og har installert effekt på meir enn 10 MW, går saka som ei innstilling til Olje- og energidepartementet som vil stå for den vidare sakshandsaminga.

Les meir om tilråding til Vigdøla kraftverk

Kontaktpersonar:
Avdelingsdirektør Rune Flatby tlf 416 78203
Seksjonssjef Carsten Stig Jensen, tlf 908 50206