Ny kabeltunnel i Suldal knytt til likestraumssamband Noreg–Storbritannia

Konsesjonen inneber også løyve til massedeponi, kai ved Strandanes, justering av stasjonsområdet i Kvilldal og omlegging av 420 kV leidningen Kvilldal–Rjukan–Flesaker ved Kvilldal i Suldal kommune.

Løyvet er ei endring av tidlegare konsesjon frå 2001 om nytt likestraumsamband  mellom Noreg og Storbritannia. I den opphavlege konsesjonen var det lagt opp til  kabel som skulle gå gjennom Hylstunnelen på Riksveg 13. Løysinga med ein eigen kabeltunnel har fordelar knytt til installasjon, teknisk utforming og drift og vedlikehald av kabelen, samanlikna med opphavleg alternativ. Etter NVEs vurdering vil ny kabeltunnel, massedeponi og justering av stasjonsområdet i Kvilldal føre med seg akseptable ulemper jamført med samfunnsnytta av tiltaket.

Oreigningsløyve for likestraumskabelen frå 2001 har falt bort (oreigningslova § 16). NVE gjev nytt samtykke til oreigning for heile likestraumskabelen, inkludert dei nye løysingane.               

Konsesjonsdokumentet, notatet ”Bakgrunn for vedtak”  og kart som syner tiltaket er tilgjengeleg på NVEs nettstad nve.no/kraftledninger

Konktaktperson:

Seksjonssjef Siv Sannem Inderberg, tlf. 901 93 008

Rådgjevar Hans Jørgen Bihli, tlf. 22 95 91 14