Løyve til Gilja vindkraftverk

Gilja vindkraftverk vil bidra til å oppfylle regjeringa sine plikter knytt til EUs fornybardirektiv. Vindkraftverket vil også kunne medføre positive økonomiske verknader for Gjesdal kommune.

Etter NVEs vurdering er dei samla fordelane ved anlegget større enn ulempene. NVE har lagt vekt på at det er gode vindforhold i planområdet. Tiltaket kan medføre negative verknader for landskap og friluftsliv i området, og vil også medføre ein reduksjon av inngrepsfrie naturområde. Samanlikna med andre vindkraftverk i Noreg er dei negative verknadane av Gilja vindkraftverk likevel vurdert som moderate.

NVE har fastsett ei rekkje vilkår til konsesjonen, som mellom anna krav om dokumentasjon på nettkapasitet, utarbeiding av miljø-, transport- og anleggsplan, avstand til busetnad, førebuande gransking om hubro, tiltak for å sikre omsynet til drikkevasskjelder og avbøtande tiltak for friluftsliv.

På NVEs nettstad kan du sjå nærare på bakgrunnen for vedtaket, konsesjonen, oreigningsløyve, og kart som viser vindkraftverket og nettilknyting. Les meir om Gilja vindkraftverk.

Kontaktpersonar:
Avdelingsdirektør Rune Flatby, tlf 22 95 90 88 eller 416 78 203
Førstekonsulent Erlend Bjerkestrand, tlf 22 95 92