Løyve til Segadal kraftverk i Hjelmeland

I vedtaket har NVE lagt vekt på at ei utbygging av Segadal kraftverk vil vere eit bidrag til ein fornybar energiproduksjon med avgrensa miljøeffektar.

NVE avslo i 2012 søknad frå Segadal Kraft (SUS) om løyve til Segadal kraftverk. NVEs grunngjeving var stor konflikt med landskapsverdiane i Jøsenfjorden. Søkjar har i ettertid sendt inn ein planendringssøknad. I vedtaket har NVE late det telje sterkt at tiltaket ikkje lenger bryt med kvalitetane i fjordlandskapet. Kraftstasjonen er no flytta oppstrøms den mest markerte fossen, slik at fossen vert verna. Skjemmande inngrep som skjeringar og røyrgate ned mot fjorden vert også unngått.

I vilkåra har NVE understreka at tiltaket i planlegging, utføring og istandsetting skal tilpassast landskapet. Konsekvensane for landskapet vil etter NVEs syn ikkje lenger vere skjemmande i eit større landskapsrom, men vere av meir lokal karakter. Det er fastsett ei minstevassføring på 100 l/s i sommarsesongen for å tav vare på nokre av landskapskvalitetane på utbyggingsstrekkja. Det meste av dette skal sleppast i det austre, ikkje så markerte løpet. Resten av året er det sett krav om ei minstevassføring på 20 l/s.

Les meir om løyve til Segadal kraftverk.

Kontaktpersonar:

Seksjonssjef Øystein Grundt, tlf. 22 95 93 89/ 90 19 82 16
Overingeniør Kristine Naas, tlf. 22 95 97 66