Løyve til ny 66 kV kabelsamband gjennom Sørdalen i Bremanger

Løyve til det nye kabelsambandet kjem som følgje av vilkår i konsesjonen som Olje- og energidepartementet har gjeve Statnett for ny 420 kV leidning frå Ørskog til Sogndal, og Miljøverndepartementets dispensasjon frå verneforskrifta for Sørdalen naturreservat.

SFE Nett AS vert også gjeve oreigningsløyve og førehandstiltreding, slik at tiltaket kan gjennomførast før skjønn er kravd. Grunngjevinga for dette er at det vert rekna som naudsynt å ferdigstille 420 kV leidningen Ørskog–Sogndal raskast muleg av omsyn til forsyningssikkerheita i Midt-Noreg.

Kabling av dagens 66 kV leidning langs fylkesvegen vil gje ubetydelege verknader for miljø- og arealbruksinteresser. Kabelsambandet vil legge til rette for at ny 420 kV leidning kan leggast i dagens 66 kV-trasé, i tråd med Olje- og energidepartementets vedtak av 21.11.2011.

Les meir om løyve til ny 66 kV kabelsamband gjennom Sørdalen i Bremanger.

Kontakinformasjon:
Seniorrådgiver Nils Henrik Johnson, mobil 91 39 79 76
Avdelingsdirektør Rune Flatby tlf, 416 78 203