Løyve til nye Vemorktoppen koplingsstasjon i Tinn kommune

Vemorktoppen er ein viktig koplingsstasjon i sentralnettet og viktig for drifta av Vemork kraftverk. Nye Vemorktoppen koplingsstasjon vil bidra til auka forsynings- og driftssikkerheit.

Med bakgrunn av anleggets alder og tilstand er det naudsynt å gjennomføre tiltak i stasjonen for å oppretthalde forsyningssikkerheita i sentralnettet. NVE meiner tiltaket også vil gje auka fleksibilitet ved seinare investeringar i sentralnettet, og legge til rette for den framtidige spenningsoppgraderinga av leidninga Flesaker–Vemorktoppen–Sogna.

Dagens 300 kV Vemorktoppen koplingsstasjon skal rivast og den nye stasjonen skal byggast delvis på noverande tomt og delvis på tilgrensande tomt. Stasjonen krev eit samla areal på 13 daa. Ombygginga av koplingsanlegget vil medføre at kraftleidningane inn til stasjonen må leggast om. Totalt vil to av dagens master bli rivne, og tre nye master og en midlertidig mast med T-avgreining vil bli sett opp.

Etter NVEs vurdering vil omsøkt tiltak ikkje føre til vesentlege ulemper for arealbruksinteresser eller miljø, og tiltaket er akseptabelt for allmenne interesser.

Les meir om løyve til nye Vemorktoppen koplingsstasjon.

Kontaktpersonar:
Førstekonsulent Anette Ødegård, tlf. 22 95 92 69
Seksjonssjef Siv Sannem Inderberg, tlf. 22 95 94 38 eller 901 93 008