Statens vegvesen

Opna ¼ av OPS Hålogalandsvegen

17.11.2026 17:59:47 CET | Statens vegvesen | Pressemelding

Del

I dag blei E10/rv. 85 Kanstadbotn–Langvasseid offisielt opna. Det sikrar trygg, rask og god framkomst mellom Lødingen og Sortland.

Statssekretær Jakob Vorren (Ap) skar snora over med ein samekniv og erklærte vegen for opna.
Statssekretær Jakob Vorren (Ap) skar snora over med ein samekniv og erklærte vegen for opna. Foto: Anita Arntzen / Skanska Norge AS / OPS Hålogalandsvegen

Strekninga utgjer omlag ¼ av det største samferdselsprosjektet i Nord-Noreg nokon gong, E10/rv. 85 Tjeldsund–Gullesfjordbotn–Langvassbukt, OPS Hålogalandsvegen. Denne delen av utbygginga har gitt 22,6 kilometer skredsikra og trafikksikker veg med god framkomst året rundt.

– Det er ei glede å få opne denne delen av OPS-prosjektet. Utbygginga knyt Sør-Troms og nordlege Nordland tettare samen og vil styrkje næringslivet, samfunnsberedskapen og utviklinga av heile regionen i mange år, sa statssekretær i Samferdselsdepartementet, Jakob Vorren, i si opningstale.

Raskare og tryggare

På rv. 85 er fartsgrensa heva til 80 km/t og på E10 til 90 km/t. Saman med den 1,4 kilometer lange Brattfjelltunnelen, har betre vegbane og høgare fart redusert køyretida på strekninga med seks minutt. Strekninga er også sikra med ni skredvollar på til saman 1250 meter.

– Ein rask og trafikksikker veg med høg oppetid også vinterstid, gir næringslivet auka konkurransekraft, får kollektivtransporten fram til rett tid og gir færre trafikkulykker. Det er eit gode for alle som ferdast i området, seier assisterande vegdirektør Ove Myrvåg.

Eit halvt år før skjema

Det har tatt om lag 3,5 år å bygge den vel to mil lange strekninga, som og er levert til rett tid. Totalt ligg heile OPS-prosjektet an til å bli opna eit halvt år før tia, det vil seie sommaren 2028 dersom framdrifta ikkje blir uventa forsinka.

– Den raske utbygginga kjem mellom anna av at Vegvesenet lét oss starte prosjekteringa allereie før vi skreiv under kontrakten, godt fjell i den lengste tunnelen og at entreprenørane vår, Skanska, har dyktige og effektive tilsette i alle ledd. I tillegg har vi saman med Vegvesenet raskt funne løysingar på dei største utfordringane, seier dagleg leiar for Hålogalandsvegen AS, Fridhild Hjortdahl.

Skal bygge meir

Før opninga i 2028 skal partane i det offentlege private samarbeidet totalt bygge 82 kilometer ny veg. Av dette er 27 kilometer nye tunnelar, 20 kilometer ny veg i dagen, og 35 kilometer blir bygd langs eksisterande E10.

Nøkkelord

Kontakter

Bilder

Bilete viser ny og gammel rv. 85 i Løbergsbukta der Brattfjelltunnelen kommer ut mot Gullesfjorden. I tillegg til tunnelen på 1,4 km er strekninga sikra med ni kredvollar på til saman 1250 meter.
Ny og gammel veg: Ny og gammel veg: Løbergsbukta der Brattfjelltunnelen kommer ut mot Gullesfjorden. I tillegg til tunnelen på 1,4 km er strekninga sikra med ni kredvollar på til saman 1250 meter.
Foto: Anita Arntzen / Skanska Norge AS / OPS Hålogalandsvegen
Last ned bilde
Trygg plassering: Ein stor skredvoll langs E10 sikrar dei som ønskjer å stoppe ved det nye minnesmerket etter de fem frå same familie som omkom i et voldsomt skred for 70 år sia. Minneplassen ligg rett ved avkøyrsla mot vatnet. Huset som vart tekne av skredet, stod om lag der skredvollen er bygd.
Trygg plassering: Ein stor skredvoll langs E10 sikrar dei som ønskjer å stoppe ved det nye minnesmerket etter de fem frå same familie som omkom i et voldsomt skred for 70 år sia. Minneplassen ligg rett ved avkøyrsla mot vatnet. Huset som vart tekne av skredet, stod om lag der skredvollen er bygd.
Foto: Anita Arntzen / Skanska Norge AS/ OPS Hålogalandsvegen
Last ned bilde
Strekninga på 22,6 km som opna i dag er markert med svart linje i kartet. Ho utgjer omlag ¼ del av heile prosjektet E10/rv. 85 Tjeldsund–Gullesfjordbotn–Langvassbukt - (OPS Hålogalandsvegen)
Strekninga på 22,6 km som opna i dag er markert med svart linje i kartet. Ho utgjer omlag ¼ del av heile prosjektet E10/rv. 85 Tjeldsund–Gullesfjordbotn–Langvassbukt - (OPS Hålogalandsvegen)
Illustrasjon / Statens vegvesen
Last ned bilde

Lenker

Om Statens vegvesen

Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.

Følg pressemeldinger fra Statens vegvesen

Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.

Siste pressemeldinger fra Statens vegvesen

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom
World GlobeA line styled icon from Orion Icon Library.HiddenA line styled icon from Orion Icon Library.Eye