Kan du i framtida sette berekraftig, norskprodusert mat på bordet?

– Vi har levert ei rekke tilrådingar vi meiner vil kunne gje deg og barna dine mat på bordet også i framtida, og enno meir av den skal vere norskprodusert, seier Audun Korsæth, divisjonsdirektør i NIBIO og medlem i matsystemutvalet.

«Matsystemet mot 2050» er den første heilskaplege utgreiinga om det norske matsystemet. Utvalsmedlemane har balansert til dels motstridande omsyn mellom landbruks-, folkehelse- og klimapolitikk, og levert ein rapport alle stiller seg bak.

– Eg er spesielt nøgd med at vi i rapporten er så tydelege på at eit berekraftig matsystem betyr at me må ta vare på ressursgrunnlaget over heile landet. Det vil også seie at drøvtyggjarane framleis vil måtte ha ei nøkkelrolle i matsystemet også i framtida, seier Korsæth.

Den offentlege utredninga frå utvalet skal kunne vere grunnlaget for ei stortingsmelding. No er den på høyring i tre månader. Regjeringa vurderer deretter om og korleis dei vil gå vidare med arbeidet. Om det vert ei stortingsmelding skal den handsamast i komité og leggast fram til debatt og vedtak i Stortinget.

Innhaldet i utredninga vert tema for to frukostmøte på Kulturhuset i Oslo i regi av NIBIO no i november, leia av utvalsleiar Bent Høie. Program og påmelding finns i saken på NIBIO.no.

Denne pressemeldingen er basert på en artikkel publisert på NIBIO.no. Medier kan fritt benytte både innholdet i pressemeldingen og tilhørende bilder mot kreditering av fotograf og henvisning til NIBIO.