Fire omkom i trafikken i oktober

Så langt i år har 98 omkome i trafikken, mot 93 på same tid i fjor. Det viser dei førebelse ulukkestala til Statens vegvesen.

– Det er positivt at det er få drepne i oktober, etter ein sommar og haust med mange omkomne i trafikken, seier avdelingsdirektør Guro Ranes i Statens vegvesen.

Eldre er den største gruppa omkomne i år

Sjølv om oktober gav låge tal, er utviklinga negativ for dei eldste trafikantane. Personar over 65 år er den største gruppa blant dei omkomne så langt i 2026.

Statens vegvesen og Folkehelseinstituttet har utarbeidd ein rapport som set lys på kva helse, funksjonsevne, sjukdomsbyrde og endra mobilitetsmønster blant eldre har å seie.

– Helse og funksjonsevne endrar seg med alderen. Samstundes tåler eldre menneske mindre i kollisjonar, og det er viktig å forstå korleis slike endringar kan påverke trafikktryggleiken. Difor er rapporten «Fremtidens eldre og trafikksikkerhet» viktig for å kunne målrette tiltaka i åra som kjem, seier Ranes.

Fleire møteulukker, færre utforkøyringar

Dei fire trafikkdrepne i oktober omkom i to møteulukker med bil, éin i ei utforkøyringsulukke med MC og éin i ei fotgjengarulukke. Ulukkene skjedde i Nordland, Trøndelag og Troms. I oktober i fjor omkom ni personar.

Det har vore fleire møteulukker i år enn i fjor, men færre utforkøyringsulukker. Ingen har omkome i tungbil så langt i år.

Akershus, Innlandet og Vestland er framleis fylka med flest omkomne i år (Akershus: 17 Innlandet: 12, Vestland: 11), men ingen omkom i desse fylka i oktober.

Tala i korte trekk:

• Omkomne i oktober: 4 (9 i oktober 2025)
• Omkomne hittil i år: 98 (93 på same tid i fjor)
• Omkomne over 65 år hittil i år: 30 (24 i fjor)
• Omkomne i møteulukker hittil i år: 39 (32 i fjor)
• Omkomne i utforkøyringsulukker hittil i år: 27 (34 i fjor)

Mørke og vinter på veg – bruk refleks og køyr etter forholda

Klokka er stilt tilbake, det blir stadig mørkare, og vinteren er på veg fleire stader i landet. Lauv og glatte vegar gjer føret meir krevjande.

Statens vegvesen oppmodar fotgjengarar og syklistar til å bruke refleks og lys, og alle som køyrer til å ha gode dekk tilpassa føret.

– No går vi inn i ei årstid med mørke, kulde og glatte vegar. Då er det viktig å tilpasse farten etter forholda og bruke refleks når ein er ute og går, seier Ranes.

Ulukkestal over drepne i trafikken pr. 31.10.

*Tala for 2026 er førebelse tal.

månad	2020	2021	2022	2023	2024	2025	2026*
januar	8	6	2	5	4	4	11
februar	9	4	2	5	3	5	4
mars	7	4	6	3	13	4	5
april	6	2	7	9	8	5	5
mai	7	8	19	13	9	10	15
juni	9	7	18	11	14	18	9
juli	9	9	11	12	9	16	19
august	9	13	18	15	9	12	13
september	2	13	6	18	5	10	13
oktober	10	5	6	12	4	9	4
november	0	0	0	0	0	0	0
desember	0	0	0	0	0	0	0
Sum	76	71	95	103	78	93	98

Enhet	2020	2021	2022	2023	2024	2025	2026
Fotgjenger	9	8	9	5	6	5	10
Sykkel	3	3	5	6	4	9	9
Elsparkesykkel	1	1	4	0	4	2	1
Moped	0	1	0	3	1	1	0
Lett MC	2	1	3	3	5	5	2
MC	17	13	18	17	15	20	21
ATV/Traktor	0	2	4	2	3	6	2
Personbil	34	33	46	51	29	37	47
Varebil/Bobil	4	2	4	11	10	4	2
Tungbil	5	6	2	5	1	4	0
Buss	1	1	0	0	0	0	2
Annet	0	0	0	0	0	0	2
SUM	76	71	95	103	78	93	98

Alder	2020	2021	2022	2023	2024	2025	2026
0-15	1	3	2	7	1	1	3
16-24	13	15	14	20	13	20	19
25-44	18	17	20	21	18	20	18
45-64	29	22	28	34	25	28	28
65+	15	14	31	21	21	24	30
SUM	76	71	95	103	78	93	98

Fylke	2020	2021	2022	2023	2024	2025	2026
Østfold					7	3	4
Akershus					12	6	17
Oslo					4	6	3
Innlandet					8	13	12
Buskerud					6	4	8
Vestfold					2	5	6
Telemark					3	4	5
Agder					4	5	5
Rogaland					6	3	5
Vestland					4	16	11
Møre og Romsdal					4	6	4
Trøndelag					5	3	10
Nordland					6	8	4
Troms					6	9	3
Finnmark					1	2	1
SUM	0	0	0	0	78	93	98